TRS: తెలంగాణ భవన్ లో రేపు టీఆర్ఎస్ ఎల్పీ సమావేశం
- రేపు ఉదయం 11.30 గంటలకు సమావేశం
- సమావేశానికి హాజరుకానున్న ఎమ్మెల్యేలు
- శాసనసభాపక్ష నాయకుడిని ఎన్నుకోనున్నఎమ్మెల్యేలు
తెలంగాణలోని అసెంబ్లీ ఎన్నికల ఫలితాల్లో ఇప్పటి వరకు టీఆర్ఎస్ 87 స్థానాల్లో విజయం సాధించింది. కొత్త ప్రభుత్వం ఏర్పాటు చేసేందుకు అవసరమైన మెజార్టీ స్థానాల కంటే ఎక్కువ స్థానాల్లోనే టీఆర్ఎస్ విజయ బావుటా ఎగురవేసింది. ఈ క్రమంలో రేపు ఉదయం 11.30 గంటలకు టీఆర్ఎస్ ఎల్పీ సమావేశం జరగనుంది. తెలంగాణ భవన్ లో జరగనున్న ఈ సమావేశానికి నూతన ఎమ్మెల్యేలు హాజరై టీఆర్ఎస్ శాసనసభాపక్ష నాయకుడిని ఎన్నుకోనున్నారు. కాగా, మొత్తం 119 స్థానాలకు గాను 116 స్థానాల ఫలితాలు వెలువడ్డాయి. మరో మూడు స్థానాలకు సంబంధించిన ఫలితాలు ఇంకా వెలువడలేదు.
