రేవంత్ అరెస్ట్ పై జిల్లా ఎస్పీ స్పందన
- కేసీఆర్ సభను అడ్డుకుంటామని రేవంత్ పిలుపునిచ్చారు
- ముందస్తు చర్యల్లో భాగంగానే అరెస్ట్ చేశాం
- సభ ముగిసిన వెంటనే విడుదల చేస్తాం
మరోవైపు, ఈ ఘటనపై వికారాబాద్ జిల్లా ఎస్పీ అన్నపూర్ణ వివరణ ఇచ్చారు. ముఖ్యమంత్రి కార్యక్రమం సందర్భంగా అలజడి చెలరేగకుండా చూసేందుకే ముందస్తు చర్యల్లో భాగంగా రేవంత్ ను అరెస్ట్ చేశామని ఆమె తెలిపారు. ఎన్నికల సంఘం ఆదేశాల మేరకే చర్యలు తీసుకున్నామని, ఆయనను కస్టడీలోకి తీసుకున్నామని చెప్పారు. కేసీఆర్ సభను అడ్డుకుంటామంటూ రేవంత్ పిలుపునిచ్చారని తెలిపారు. ముఖ్యమంత్రి సభ ముగిసిన వెంటనే వారిని విడిచిపెడతామని చెప్పారు.
