నా ఇన్‌స్టాగ్రాం హ్యాక్ అయింది!: రకుల్

ప్రస్తుతం టాలీవుడ్‌లో కథానాయిక రకుల్ ప్రీత్‌కి పెద్దగా సినిమాలేమీ లేవు. ఈ మధ్యే అమ్మడు ‘ఎన్టీఆర్’ బయోపిక్‌లో ఛాన్స్ కొట్టేసింది. ఈ చిత్రంలో శ్రీదేవి పాత్రలో మెప్పించబోతోంది. ఈ చిత్రం తప్పితే ముద్దుగుమ్మకు సినిమాలు లేవు. కానీ కోలీవుడ్‌లో మాత్రం మంచి ఫామ్‌లో ఉంది.

ఇక ఈ బ్యూటీ సామాజిక మాధ్యమాల్లో మాత్రం చాలా యాక్టివ్‌గా ఉంటోంది. సినిమా చూసి రివ్యూలివ్వడం దగ్గర నుంచి పుట్టిన రోజులకు శుభాకాంక్షలు చెప్పడం వంటివన్నీ చాలా సరదాగా చేసేస్తోంది. తాజాగా రకుల్ ఇన్‌స్టాగ్రాం హ్యాక్ అయిందట. ఈ విషయాన్ని స్వయంగా ట్విట్టర్ ద్వారా తెలిపింది. ‘నా ఇన్‌స్టాగ్రాం హ్యాక్ అయింది. అది రికవర్ అయ్యేంత వరకూ దాని నుంచి వచ్చే ఏ లింక్స్ పట్ల, మెసేజ్‌ల పట్ల స్పందించవద్దు’’ అని రకుల్ ట్వీట్‌లో అభిమానులను కోరింది.