gvl: పన్నులు ఎగ్గొట్టిన రాష్ట్రాల్లో మొదటిది ఏపీ, రెండోది తెలంగాణ: జీవీఎల్

పన్నులు ఎగ్గొట్టిన రాష్ట్రాల్లో మొదటిది ఏపీ, రెండోది తెలంగాణ అని, అందుకే, ఆయా రాష్ట్రాల్లో ఐటీ శాఖ దాడులు జరుగుతున్నాయని బీజేపీ ఎంపీ జీవీఎల్ నరసింహారావు అన్నారు. ఈరోజు ఆయన మీడియాతో మాట్లాడుతూ, పక్కా సమాచారంతోనే ఏపీలో ఐటీ శాఖ ఈ దాడులు చేస్తోందని అన్నారు.

 ఈ దాడుల నేపథ్యంలో చంద్రబాబు భుజాలు తడుముకుంటున్నారని, టీడీపీ నేతలూ భయపడుతున్నారని అన్నారు. అప్పుల పేరిట కుంభకోణాలు చేసిన ఘనత చంద్రబాబుదేనని, ఆయన తప్పించుకోలేరని హెచ్చరించారు. కాంగ్రెస్ పార్టీకి చంద్రబాబు రూ.500 కోట్లు ఫండ్ గా ఇస్తున్నారనే ఆరోపణలు వస్తున్నాయని అన్నారు.