chiranjeevi: టైటిల్ కి తగినట్టుగానే 'సైరా' అనిపించిన టీజర్ .. యువ హీరోల స్పందన

తెలుగు సినిమాను కొత్తపుంతలు తొక్కించిన కథానాయకుడు చిరంజీవి. అప్పటివరకూ నడుస్తోన్న ట్రెండును పూర్తిగా మార్చేసిన ఘనత ఆయన సొంతం. అలాంటి చిరంజీవి పుట్టినరోజు రేపు. ఈ సందర్భాన్ని పురస్కరించుకుని ఆయన తాజా చిత్రమైన 'సైరా' నుంచి ఫస్టు టీజర్ ను వదిలారు. తెల్లదొరలపై నరసింహా రెడ్డి తిరుగుబాటు బావుటాను ఎగరేస్తూ గుర్రంపై వాళ్లపైకి దూసుకురావడం ఈ టీజర్ కి హైలైట్ గా నిలిచింది.

'ఈ యుద్ధం ఎవరిది .. మనది' అంటూ చిరూ చెప్పిన డైలాగ్ .. ఈ సినిమా రిలీజ్ వరకూ అభిమానులు సరిపెట్టుకునేంత పవర్ఫుల్ గా వుంది. ఇక ఈ టీజర్ చూసిన నాని .. "ఈ సినిమా ఎవరిది .. ? మనది" అంటూ తన హర్షాన్ని వ్యక్తం చేశాడు. 'టీజర్ కిర్రాక్ వుంది లే' అంటూ విజయ్ దేవరకొండ తనదైన స్టైల్లో స్పందించాడు. ఈ సినిమా చరిత్ర సృష్టించడం ఖాయమనే అభిప్రాయాన్ని అనసూయ వ్యక్తం చేసింది. సాయిధరమ్ తేజ్ .. వరుణ్ తేజ్ .. ఇద్దరూ కూడా టీజర్ అద్భుతంగా ఉందనీ .. సినిమా విడుదల వరకూ వెయిట్ చేయడం కష్టమేనంటూ ఉత్సాహాన్ని ప్రదర్శించారు.