manchu manoj: కళ్లు తిప్పకుండా అలాగే చూస్తుండిపోవాలనిపిస్తోంది: ఎన్టీఆర్ పోస్టర్ పై మంచు మనోజ్

బాలకృష్ణ, క్రిష్ ల కాంబినేషన్లో నందమూరి తారకరామారావు బయోపిక్ 'ఎన్టీఆర్' శరవేగంతో తెరకెక్కుతోంది. స్వాతంత్ర్య దినోత్సవాన్ని పురస్కరించుకుని నిన్న ఈ చిత్రానికి సంబంధించిన పోస్టర్ ను విడుదల చేశారు. ఈ పోస్టర్ సోషల్ మీడియాలో భారీగా ట్రెండ్ అవుతోంది. పలువురు సినీ ప్రముఖులు ఈ పోస్టర్ పై ప్రశంసలు కురిపిస్తున్నారు.

మంచు మనోజ్ కూడా ఈ పోస్టర్ పై అభినందనలు కురిపించాడు. 'నభూతో నభవిష్యత్. కళ్లు తిప్పకుండా అలాగే చూస్తుండిపోవాలనిపిస్తోంది. ఇంత అద్భుతమైన పోస్టర్ ను వదిలిన నా డార్లింగ్ బ్రదర్ క్రిష్ కు ధన్యవాదాలు. నీలో చాలా శక్తి దాగి ఉంది' అంటూ మనోజ్ ట్వీట్ చేశాడు.