KTR: మంత్రి కేటీఆర్ కు మరో ప్రత్యేక ఆహ్వానం
తెలంగాణ ఐటీ, పురపాలక, పరిశ్రమల శాఖ మంత్రి కేటీఆర్ కు మరో ప్రత్యేక ఆహ్వానం అందింది. అమెరికాలో జరగనున్న గ్లోబల్ క్లైమేట్ యాక్షన్ సమిట్ లో ప్రసంగించాల్సిందిగా కేటీఆర్ ను ఆహ్వానించారు. ఈ మేరకు కేటీఆర్ కు కాలిఫోర్నియా రాష్ట్ర గవర్నర్ ఎడ్మండ్ జి బ్రౌన్ ఓ లేఖ రాశారు. సెప్టెంబర్ 12 నుంచి 14 తేదీ వరకు శాన్ ఫ్రాన్సిస్కోలో జరగనున్న ఈ సదస్సులో పాల్గొని ‘ఫ్యూచర్ ఆఫ్ ఎనర్జీ అండ్ ట్రాన్స్ పోర్ట్ సిస్టమ్స్’ అనే అంశంపై ప్రసంగించాలని కేటీఆర్ ని ఈ లేఖలో కోరారు.
ప్రపంచంలోని వివిధ దేశాల నుంచి హాజరవుతున్న ప్రతినిధులకు వాతావరణ మార్పులకు ప్రభుత్వాలు తీసుకుంటున్న కార్యక్రమాలపై చేసే ప్రసంగం ఉపయుక్తంగా ఉంటుందని ఎడ్మండ్ జి బ్రౌన్ తెలిపారు. ఈ ప్రసంగంలో తెలంగాణ ప్రభుత్వం చేపట్టిన హరితహారం వంటి కార్యక్రమాలతో పాటు భవిష్యత్తులో చేపట్టబోయే కార్యక్రమాల గురించి, వాతావరణ అనుకూల కార్యక్రమాల గురించి కూడా వివరించాల్సిందిగా కోరారు. ప్రపంచవ్యాప్తంగా వాతావరణ మార్పుల పైన చైతన్యవంతం చేసే దిశగా ఈ సదస్సు ఉంటుందని, దీని ద్వారా వివిధ ప్రభుత్వాలను, పాలసీ మేకర్స్ ను సానుకూలంగా ప్రభావితం చేసే ప్రయత్నం చేస్తున్నట్టు తెలిపారు. ఈ సదస్సుకు ప్రపంచంలోని వివిధ ప్రభుత్వాల నుంచి ప్రతినిధులతో పాటు వాతావరణ మార్పులపై పరిశోధనలు చేస్తున్న వ్యక్తులు హాజరవుతారని ఈ ఆహ్వానంలో ఎడ్మండ్ జి బ్రౌన్ పేర్కొన్నారు.
ప్రపంచంలోని వివిధ దేశాల నుంచి హాజరవుతున్న ప్రతినిధులకు వాతావరణ మార్పులకు ప్రభుత్వాలు తీసుకుంటున్న కార్యక్రమాలపై చేసే ప్రసంగం ఉపయుక్తంగా ఉంటుందని ఎడ్మండ్ జి బ్రౌన్ తెలిపారు. ఈ ప్రసంగంలో తెలంగాణ ప్రభుత్వం చేపట్టిన హరితహారం వంటి కార్యక్రమాలతో పాటు భవిష్యత్తులో చేపట్టబోయే కార్యక్రమాల గురించి, వాతావరణ అనుకూల కార్యక్రమాల గురించి కూడా వివరించాల్సిందిగా కోరారు. ప్రపంచవ్యాప్తంగా వాతావరణ మార్పుల పైన చైతన్యవంతం చేసే దిశగా ఈ సదస్సు ఉంటుందని, దీని ద్వారా వివిధ ప్రభుత్వాలను, పాలసీ మేకర్స్ ను సానుకూలంగా ప్రభావితం చేసే ప్రయత్నం చేస్తున్నట్టు తెలిపారు. ఈ సదస్సుకు ప్రపంచంలోని వివిధ ప్రభుత్వాల నుంచి ప్రతినిధులతో పాటు వాతావరణ మార్పులపై పరిశోధనలు చేస్తున్న వ్యక్తులు హాజరవుతారని ఈ ఆహ్వానంలో ఎడ్మండ్ జి బ్రౌన్ పేర్కొన్నారు.
