mukhesh gowd: ముఖేష్ గౌడ్ తో భేటీ అయిన టీఆర్ఎస్ నేత

కాంగ్రెస్ నేత, మాజీ మంత్రి ముఖేష్ గౌడ్, అతని కుమారుడు విక్రమ్ గౌడ్ లతో గ్రేటర్ హైదరాబాద్ టీఆర్ఎస్ పార్టీ అధ్యక్షుడు మైనంపల్లి హనుమంతరావు భేటీ అయ్యారు. ఈ సందర్భంగా ముఖేష్ గౌడ్ కు జన్మదిన శుభాకాంక్షలు తెలిపారు. అయితే, ముఖేష్ గౌడ్ కాంగ్రెస్ కు గుడ్ బై చెప్పబోతున్నారని, టీఆర్ఎస్ లో చేరబోతున్నారనే వార్తల నేపథ్యంలో, వీరి భేటీ ప్రాధాన్యతను సంతరించుకుంది.

మరోవైపు ఈ ఉదయం మీడియాతో ముఖేష్ గౌడ్ మాట్లాడుతూ, కాంగ్రెస్ పార్టీలోని నేతల మధ్య కొన్ని అభిప్రాయ భేదాలు ఉన్న మాట వాస్తవమేనని చెప్పారు. అయితే, పార్టీ మారే అంశంపై మాత్రం క్లారిటీ ఇవ్వలేదు. అనుచరులు, కార్యకర్తలతో మాట్లాడి నిర్ణయం తీసుకుంటానని చెప్పారు.