చిరూ చిన్నల్లుడి మూవీ నుంచి వెరైటీ పోస్టర్ .. రేపు చికెన్ సాంగ్ రిలీజ్

వారాహి చలన చిత్రం బ్యానర్ పై చిరూ చిన్నల్లుడు కల్యాణ్ దేవ్ హీరోగా 'విజేత' సినిమా రూపొందుతోంది. రాకేశ్ శశి దర్శకత్వం వహిస్తోన్న ఈ సినిమాలో కథానాయికగా మాళవిక నాయర్ నటిస్తోంది. ఈ సినిమా నుంచి ఇప్పటికే వదిలిన ఫస్టులుక్ పోస్టర్ కి మంచి రెస్పాన్స్ వచ్చింది. రేపు ఉదయం 8 గంటల 9 నిమిషాలకి ఈ సినిమా నుంచి.. కోడికి సంతాపాన్ని తెలియజేస్తూ హీరో పాడే 'కొక్కొరోకో .. ' పాటను రిలీజ్ చేయనున్నారు.

ఆ విషయాన్ని తెలియజేస్తూ రిలీజ్ చేసిన పోస్టర్ చాలా వెరైటీగా వుంది. చికెన్ షాప్ దగ్గర నుంచుని అలా మారిపోయిన కోడిని తలచుకుని ఏడుస్తూ ఈ పోస్టర్ లో కల్యాణ్ దేవ్ కనిపిస్తున్నాడు. చూస్తుంటే .. మాస్ ఆడియన్స్ ను అలరించడం కోసం 'కోడి' మీద మాంచి మసాలా సాంగ్ పెట్టినట్టుగానే కనిపిస్తోంది. ఈ నెల 24వ తేదీన ఆడియో వేడుకను ఘనంగా జరపనున్నారు. త్వరలోనే ఈ సినిమా విడుదల తేదీని ప్రకటిస్తారు.