Pawan Kalyan: ప్రజారాజ్యం అనుభవాల నుంచైనా పవన్ నేర్చుకోవాలి కదా!: నటుడు కోట శ్రీనివాసరావు

జనసేన పార్టీ అధినేత పవన్ కల్యాణ్ పై టాలీవుడ్ సీనియర్ నటుడు కోట శ్రీనివాసరావు తన దైన శైలిలో వ్యాఖ్యలు చేశారు. పవన్ కల్యాణ్ రాజకీయ ప్రయాణం గురించి ఓ ఇంటర్వ్యూలో ఆయన మాట్లాడుతూ, ప్రజారాజ్యం అనుభవాల నుంచైనా ఆయన నేర్చుకోవాలి కదా, వాళ్ల అన్నకు ఏం జరిగిందో అర్థం చేసుకోవాలిగా అని అన్నారు.

‘మనకెందుకు చెప్పండి.. నేనే రాజకీయాల నుంచి వెనక్కి వచ్చేశా. పిచ్చోడినై వచ్చానా? సినిమా వాళ్లకు ఆ వాతావరణం పడదు’ అన్నారు కోట. ఈ సందర్భంగా తమిళ సూపర్ స్టార్ రజనీకాంత్ గురించి ఆయన ప్రస్తావించారు. 'రాజకీయాల్లోకి వచ్చే విషయమై రజనీ లాంటి పెద్దవాళ్లే అలా ఆలోచిస్తున్నప్పుడు, కుర్రాడు అయిన పవన్ అర్థం చేసుకోవాలిగా?' అని చెప్పుకొచ్చారు.