mamatha: ఈ రోజు అధికారంలో ఉండొచ్చు.. రేపు ఉండకపోవచ్చు.. ఎందుకిలా చేస్తున్నారు?: మమతా బెనర్జీ

కర్ణాటకలో జరుగుతోన్న రాజకీయాలపై పశ్చిమ బెంగాల్‌ ముఖ్యమంత్రి మమతా బెనర్జీ అభ్యంతరాలు వ్యక్తం చేశారు. ఎమ్మెల్యేలతో ఇలా బేరసారాలు చేసే పద్ధతి దేశానికి మంచిది కాదని అన్నారు. తాము ప్రజాస్వామ్య పద్ధతులను ఎల్లప్పుడూ గౌరవిస్తామని అన్నారు. ఈ రోజు అధికారంలో ఉన్నవారు రేపు ఉండకపోవచ్చని, కానీ ఇలా రాజ్యాంగ ఉల్లంఘనలకు పాల్పడితే అది దేశ పరిస్థితులపై ప్రతికూల ప్రభావం చూపుతుందని అన్నారు.

కాగా, ఇటీవల పశ్చిమ బెంగాల్‌లో జరిగిన పంచాయతీ ఎన్నికలపై మమతా బెనర్జీ స్పందిస్తూ... ఈ ఎన్నికల్లో ప్రతిపక్ష పార్టీలన్నీ కలిసి పనిచేసినప్పటికీ తమ తృణమూల్‌ కాంగ్రెస్‌ పార్టీ 90 శాతం సీట్లను గెలుచుకుందని, దీన్ని బట్టి తాము గ్రామస్థాయి నుంచి ఎంత బలంగా ఉన్నామో తెలుస్తోందని అన్నారు.