lalu: రేపు లాలూ కుమారుడి వివాహం.. ఇంటి ముందు వివాదాస్పద పోస్టర్లు!

బీహార్‌ ప్రతిపక్ష పార్టీ ఆర్జేడీ అధినేత లాలూ ప్రసాద్ యాదవ్ తనయుడు తేజ్ ప్రతాప్ వివాహం రేపు వైభవంగా జరగనుంది. ఈ సందర్భంగా ఆయన ఇంటి ముందు వెలిసిన ఓ పోస్టర్‌ వివాదాస్పదం అవుతోంది. అందులో పెళ్లి కొడుకు, పెళ్లికూతురు తేజ్ ప్రతాప్-ఐశ్వర్యల ఫొటోలు శివపార్వతుల రూపంలో ఉన్నాయి.

ఈ ఫొటోలు సోషల్ మీడియాలో వైరల్ అవుతున్నాయి. ఈ పోస్టర్లపై నెటిజన్లు విమర్శలు చేస్తున్నారు. హిందువుల మనోభావాలు దెబ్బతినేలా ఇలాంటి పోస్టర్లు పెట్టడమేంటని ప్రశ్నించారు. కాగా, రేపు సాయంత్రం జరిగే వీరి వివాహానికి రాజకీయ, సినీ, పారిశ్రామిక రంగాలకు చెందిన ప్రముఖులు హాజరు కానున్నారు.