Kerala: అబ్బాయికి పెళ్లి వయసు లేకున్నా, వివాహం చెల్లుబాటు: సుప్రీంకోర్టు కీలక తీర్పు
పెళ్లి చేసుకునే సమయానికి అబ్బాయికి 20 సంవత్సరాల వయసు మాత్రమే ఉందని, తన కుమార్తెను కిడ్నాప్ చేసి పెళ్లి చేసుకున్నాడని ఓ తండ్రి వేసిన కేసులో కేరళ హైకోర్టు ఇచ్చిన తీర్పును సుప్రీంకోర్టు తప్పుబట్టింది. అబ్బాయి నందకుమార్ కు 21 సంవత్సరాలు నిండకపోయినప్పటికీ, వారిద్దరినీ తాము మేజర్లుగానే భావిస్తున్నానని, వారిద్దరూ కలసి జీవించే హక్కును కలిగున్నారని, ఈ కేసులో 20 సంవత్సరాల అమ్మాయి తుషారా కోరుకుంటే, ఆ అబ్బాయితోనే కలసి జీవించవచ్చని స్పష్టం చేసింది.
కాగా, అంతకుముందు ఈ వివాహం చెల్లబోదని కేరళ హైకోర్టు తీర్పిస్తూ, తుషారను తండ్రి దగ్గరికి పంపింది. ఇక ఇదే కేసును విచారించిన సుప్రీంకోర్టు న్యాయమూర్తులు ఏకే సిక్రీ, అశోక్ భూషణ్ లతో కూడిన ధర్మాసనం, వీరి వివాహం చెల్లుతుందని ప్రకటించింది. వీరిద్దరి మధ్యా ఉన్న 'లివ్-ఇన్ రిలేషన్ షిప్'కు జాతీయ గృహ హింస చట్టం 2005 ప్రకారం రక్షణ కల్పించాల్సిన అవసరం ఉందని అభిప్రాయపడింది. ఈ సందర్భంగా హదియా కేసును న్యాయమూర్తులు ప్రస్తావించారు. గతంలో కేరళ హైకోర్టు హదియా విషయంలోనూ పూర్తిగా విచారించకుండా తప్పుడు తీర్పిచ్చిందని తెలిపారు. కేవలం ఒకవైపు నుంచి వాదనలు విని తీర్పివ్వరాదని న్యాయమూర్తులు కేరళ హైకోర్టుకు అక్షింతలు వేయడం గమనార్హం.
కాగా, అంతకుముందు ఈ వివాహం చెల్లబోదని కేరళ హైకోర్టు తీర్పిస్తూ, తుషారను తండ్రి దగ్గరికి పంపింది. ఇక ఇదే కేసును విచారించిన సుప్రీంకోర్టు న్యాయమూర్తులు ఏకే సిక్రీ, అశోక్ భూషణ్ లతో కూడిన ధర్మాసనం, వీరి వివాహం చెల్లుతుందని ప్రకటించింది. వీరిద్దరి మధ్యా ఉన్న 'లివ్-ఇన్ రిలేషన్ షిప్'కు జాతీయ గృహ హింస చట్టం 2005 ప్రకారం రక్షణ కల్పించాల్సిన అవసరం ఉందని అభిప్రాయపడింది. ఈ సందర్భంగా హదియా కేసును న్యాయమూర్తులు ప్రస్తావించారు. గతంలో కేరళ హైకోర్టు హదియా విషయంలోనూ పూర్తిగా విచారించకుండా తప్పుడు తీర్పిచ్చిందని తెలిపారు. కేవలం ఒకవైపు నుంచి వాదనలు విని తీర్పివ్వరాదని న్యాయమూర్తులు కేరళ హైకోర్టుకు అక్షింతలు వేయడం గమనార్హం.
