హీరోయిన్ రాశీ ఖన్నాకు షేక్ హ్యాండ్ ఇచ్చిన రోబో 'మిత్రా'

ప్రముఖ సినీ నటి రాశీ ఖన్నాకు బెంగళూరు రోబో మిత్రా షేక్ హ్యాండ్ ఇచ్చింది. హైదరాబాద్ పీపుల్స్ ప్లాజాలో అంతర్జాతీయ మహిళా దినోత్సవం కార్యక్రమాల్లో భాగంగా షీ టీమ్ ఓ ప్రదర్శనను నిర్వహించింది. దీనిని తెలంగాణ హోంమంత్రి నాయిని నర్సింహారెడ్డి ప్రారంభించారు.

ఈ కార్యక్రమంలో పాల్గొన్న మిత్రా... రాశీ ఖన్నాకు షేక్ హ్యాండ్ ఇచ్చి అందరినీ ఆకట్టుకుంది. ఈరోజు, రేపు పీపుల్స్ ప్లాజాలో నిర్వహించే పలు విషయాలపై రోబో మిత్రా అవగాహన కల్పించనుంది. ఈ సందర్భంగా నిర్వహించే 10కే రన్ లో సైతం ఇది వాక్ చేయనుంది. ఇటీవల హైదరాబాద్ లో జరిగిన గ్లోబల్ ఎంటర్ ప్రెన్యూర్ షిప్ సమ్మిట్ లో కూడా ప్రధాని మోదీ, ఇవాంకా ట్రంప్ లతో కలసి మిత్రా సందడి చేసింది.