Disha Pathani: సినిమా కబుర్లు.. సంక్షిప్త సమాచారం!

*  జయం రవి, ఆర్య కథానాయకులుగా సుందర్ సి. దర్శకత్వంలో తెలుగు, తమిళ భాషల్లో రూపొందే 'సంఘమిత్ర' చిత్రంలోని కథానాయిక పాత్రధారిణి ఎంపిక కోసం పెద్ద కసరత్తు జరుగుతోంది. పలువురిని సంప్రదించినప్పటికీ ఇంకా ఎవరినీ ఫైనల్ చేయలేదు. ఈ క్రమంలో బాలీవుడ్ భామ దిశా పఠానితో ప్రస్తుతం చర్చలు జరుపుతున్నట్టు తెలుస్తోంది.    
*  తేజ దర్శకత్వంలో బాలకృష్ణ ప్రధాన పాత్రధారిగా ఎన్టీఆర్ బయోపిక్ రూపొందుతున్న సంగతి విదితమే. ఇందులో ఎన్టీఆర్ భార్య పాత్ర కోసం పలువురు ఆడిషన్స్ కి హాజరవుతున్నారట. వీరిలోంచి ఒకరిని ఎంపిక చేయడానికి దర్శకుడు తేజ ఫేస్ రికగ్నిషన్ టెక్నాలజీని వాడుతున్నాడట.
*  నాని హీరోగా కిషోర్ తిరుమల దర్శకత్వంలో ఓ చిత్రం రూపొందుతోంది. ఫిబ్రవరి నెలాఖర్లో ఈ చిత్రం షూటింగు మొదలవుతుంది. కాగా, ఈ చిత్రం కోసం 'చిత్రలహరి' అనే టైటిల్ని పరిశీలిస్తున్నట్టు తాజా సమాచారం.
*  రానా దగ్గుబాటి తాజాగా పదిహేను కేజీల బరువు తగ్గాడు. ప్రభు సాల్మన్ దర్శకత్వంలో రూపొందుతున్న 'హాథీ మేరా సాథీ' హిందీ చిత్రంలోని పాత్ర కోసం ఇలా బరువు తగ్గాడు. ఇందుకోసం చాలా స్ట్రిక్ట్ గా ఆహార నియమాలు పాటించాడట.