shoib aktar: ఆ బాలీవుడ్ నటి అంటే నాకు చాలా ఇష్టం.. కిడ్నాప్ చేద్దామనుకున్నా!: షోయబ్ అక్తర్

అంతర్జాతీయ క్రికెట్లో పాకిస్థాన్ మాజీ ఫాస్ట్ బౌలర్ షోయబ్ అక్తర్ కు ఉన్న ఫాలోయింగ్ అంతా ఇంతా కాదు. ప్రచండమైన వేగంతో బంతులను విసురుతూ, ప్రపంచ మేటి బ్యాట్స్ మెన్లకు దడ పుట్టించాడు షోయబ్. తాజాగా ఓ ఆసక్తికరమైన విషయాన్ని ఆయన వెల్లడించాడు. బాలీవుడ్ నటి సోనాలీ బింద్రే అంటే షోయబ్ కు చచ్చేంత ఇష్టం అట. ఎంత ఇష్టం అంటే... తన పర్సులో సోనాలీ ఫొటో ఎప్పుడూ ఉండేదట. ఆమెను ఓ సారి కలిసి, తన ప్రేమను వెల్లడిద్దామని అనుకున్నాడట. అంతేకాదు, ఒకవేళ తన ప్రేమను ఆమె తిరస్కరిస్తే... కిడ్నాప్ చేయాలని కూడా అనుకున్నాడట. కానీ, ఇంత వరకు ఆమెను ఒక్కసారి కూడా కలవలేకపోయానని చెప్పుకొచ్చాడు షోయబ్.