todupooja vasanthi: ప్రముఖ మలయాళ సినీ నటి వాసంతి మృతి
- క్యాన్సర్ తో కన్నుమూసిన నటి వాసంతి
- ఆమె వయసు 65 ఏళ్లు
- 400కు పైగా సినిమాల్లో నటించిన అలనాటి నటి
ప్రముఖ మలయాళ సినీ నటి తొడుపూజ వాసంతి తుదిశ్వాస విడిచారు. కేరళలోని ఎర్నాకుళం జిల్లాలో ఓ ప్రైవేటు ఆసుపత్రిలో చికిత్స పొందుతూ ఆమె మృతి చెందారు. గత కొంత కాలంగా ఆమె క్యాన్సర్ తో పోరాడుతున్నారు. క్యాన్సర్ మహమ్మారి వల్ల ఆమె శరీరంలోని కొన్ని భాగాలు పని చేయకపోవడంతో... ఈ నెల 24న ఆమెను ఆసుపత్రిలో చేర్పించారు. ఆమెకు కిడ్నీ సంబంధిత వ్యాధి కూడా ఉంది. ఈ ఉదయం ఆమె మరణించారు. ఆమె వయసు 65 ఏళ్లు. నాలుగు దశాబ్దాల కాలంలో ఆమె 400కు పైగా సినిమాల్లో నటించారు. ఆమె మరణం పట్ల పలువురు సినీ ప్రముఖులు సంతాపం ప్రకటించారు.
