'మెహబూబా'కి హీరోయిన్ గా నేహా శెట్టి ఎంపిక కావడం వెనుక రకుల్ హస్తం?

పూరీ జగన్నాథ్ దర్శకత్వంలో ఆయన తనయుడు ఆకాశ్ కథానాయకుడిగా 'మెహబూబా' సినిమా తెరకెక్కుతోంది. వివిధ ప్రాంతాల్లో షెడ్యూల్స్ ను ప్లాన్ చేశారు. ప్రధానమైన పాత్రలకి సంబంధించిన కొన్ని కీలకమైన సన్నివేశాలను చిత్రీకరిస్తూ వెళుతున్నారు. ఈ సినిమాలో నేహా శెట్టి కథానాయికగా నటిస్తోన్న సంగతి తెలిసిందే. కన్నడలో నిలదొక్కుకోవడానికి ప్రయత్నిస్తోన్న ఈ అమ్మాయి, ఒక్కసారిగా పూరీ మూవీలో ఛాన్స్ కొట్టేయడం అందరికీ ఆశ్చర్యాన్ని కలిగించింది.

 అయితే ఈ ఛాన్స్ రకుల్ వలన వచ్చిందనే టాక్ వినిపిస్తోంది. నేహా శెట్టి బాయ్ ఫ్రెండ్ 'అమన్' .. రకుల్ సొంత సోదరుడే. నేహా శెట్టి .. అమన్ ను రిక్వెస్ట్ చేయడం .. అమన్ రకుల్ చెవిలో ఓ మాట వేయడం .. రకుల్ .. పూరీకి సిఫార్స్ చేయడం జరిగిందట. అలా రకుల్ సిఫార్స్ మేరకే 'మెహబూబా'లో నేహాశెట్టికి ఛాన్స్ వచ్చిందనే ప్రచారం జరుగుతోంది. ఈ సినిమాతో నేహా శెట్టి ఎన్ని మార్కులు కొట్టేస్తుందో చూడాలి మరి.