Kamal Haasan: విశాఖపట్నంలో కమలహాసన్ దిష్టిబొమ్మ దహనం

హిందూ ఉగ్రవాదం అంటూ వివాదాస్పద వ్యాఖ్యలు చేసిన సినీ నటుడు కమలహాసన్ పై దేశ వ్యాప్తంగా విమర్శలు వ్యక్తమవుతున్నాయి. ఈ నేపథ్యంలో, విశాఖపట్నంలో కూడా కమల్ దిష్టిబొమ్మను దగ్ధం చేశారు. విశాఖలో ఆందోళన కార్యక్రమాన్ని చేపట్టిన జన జాగరణ సమితి కార్యకర్తలు ఈ సందర్భంగా కమల్ కు వ్యతిరేకంగా నినాదాలు చేశారు. జీవీఎంసీ గాంధీ విగ్రహం సమీపంలో ఆయన దిష్టిబొమ్మను దగ్ధం చేశారు. కమల్ తన వ్యాఖ్యలను ఉపసంహరించుకోవాలని... లేకపోతే రానున్న రోజుల్లో విపరీత పరిణామాలను ఎదుర్కోవాల్సి ఉంటుందని హెచ్చరించారు.