'పద్మావతి' చిత్రంలో 'పోటుగాడు' హీరోయిన్!
- రతన్ సింగ్ మొదటి భార్య నాగ్మతిగా నటించిన అనుప్రియ గోయెంకా
- `ఘూమర్` పాటలో కనిపించిన నాగ్మతి
- ప్రాధాన్యమున్న పాత్ర అంటున్న నెటిజన్లు
ఒక్కరోజులోనే మిలియన్ కి పైగా వీక్షణలు తెచ్చుకున్న ఈ పాట టాప్ ట్రెండ్గా మారింది. అయితే ఈ పాటలో రతన్ సింగ్ పాత్ర పోషించిన షాహిద్, పద్మావతిగా నటించిన దీపికాలతో పాటు మరో పాత్రను కూడా చూపించారు. పద్మావతి నృత్యం చేస్తున్నప్పుడు తీక్షణంగా చూస్తున్న మహారాణి ఎవరనే విషయం మొదట్లో అర్థం కాలేదు. అయినప్పటికీ ఆ ఒక్క క్షణంలో ఆమె చూపించిన హావభావాలను మాత్రం పొగడ్తలతో ముంచెత్తేశారు. దీంతో ఆమె ఎవరని విచారిస్తే... అనుప్రియ గోయెంకా అనే విషయం తెలిసింది.
ఈ చిత్రంలో ఆమె రతన్సింగ్ మొదటి భార్య మహారాణి నాగ్మతి పాత్రలో నటించినట్లు చిత్రబృందం తెలిపింది. దీంతో ఆమె పాత్రకు కూడా చాలా ప్రాధాన్యమున్నట్లు నెటిజన్లు చెప్పుకుంటారు. అయితే వారి ఆలోచన ఎంత వరకు నిజమో తెలియాలంటే డిసెంబరు 1 వరకు వేచిచూడాల్సిందే. 'పోటుగాడు' చిత్రంతో పాటు తెలుగులో `పాఠశాల` అనే చిత్రంలోనూ నటించింది. అలాగే కొన్ని వ్యాపార ప్రకటనల్లో కూడా కనిపించింది.
