పెద్ద క్రేన్ విరిగి కారు మీద ప‌డింది... అయినా డ్రైవ‌ర్‌కి ఏం కాలేదు... వీడియో చూడండి!

కొన్ని ప్ర‌మాదాల్లో ఒంటి మీద‌ చిన్న గాయం కూడా అవ‌కుండా బ‌య‌ట‌ప‌డిన వాళ్ల‌ను చూస్తుంటాం. చైనాలోని జుజాయ్ ప్రావిన్సు వ‌ద్ద మంగ‌ళ‌వారం జ‌రిగిన ప్ర‌మాదం కూడా ఆ కోవ‌కే చెందుతుంది. ఈ ప్ర‌మాదం చూస్తే `దురదృష్టంలో అదృష్టం` అంటే ఇదేనేమోననిపిస్తుంది. రోడ్డు మీద వెళ్తున్న ఆడీ కారు మీద ఒక్క‌సారిగా పెద్ద క్రేన్ విరిగి ప‌డింది. క్రేన్ తాకిడికి కారు ముందు భాగం నుజ్జ‌నుజ్జ‌యింది.

దాంతో డ్రైవ‌ర్ సీట్లో ఉన్న వ్య‌క్తి ప‌రిస్థితి కూడా అలాగే అయ్యుంటుంద‌ని అంద‌రూ అనుకున్నారు. కానీ కారు పైక‌ప్పు నుంచి 29 ఏళ్ల వ‌య‌సున్న వ్య‌క్తి క్షేమంగా బ‌య‌ట‌కు రావ‌డం చూసి ఆశ్చ‌ర్య‌పోయారు. క్రేన్ విరిగిప‌డే స‌మ‌యానికి కారు దాని కింద‌కి రావ‌డం దుర‌దృష్ట‌మైతే... ఎలాంటి ప్ర‌మాదం జ‌ర‌గ‌కుండా బ‌య‌ట‌ప‌డ‌టం అదృష్ట‌మ‌ని అంద‌రూ అంటున్నారు. అయితే త‌న‌కు మోకాలి మీద చిన్న గాయం అయింద‌ని, క్రేన్ విరిగి ప‌డిన‌పుడు చాలా భ‌యం వేసింద‌ని డ్రైవ‌ర్ చెప్పుకొచ్చాడు.