జీహెచ్ఎంసీ: అప్పుడేమో ఆనందించేవాడిని.. ఇప్పుడేమో మేఘాన్ని చూస్తే భయమేస్తోంది!: జీహెచ్ఎంసీ కమిషనర్ చమత్కృతి

‘అనంతపురంలో పనిచేస్తున్నప్పుడు వర్షం పడితే రాత్రంతా వరండాలో కుర్చీ వేసుకుని కూర్చుని.. చూస్తూ ఆనందించేవాడిని..ఇప్పుడేమో మేఘాన్ని చూస్తే భయమేస్తోంది’ అంటూ చమత్కరించారు జీహెచ్ఎంసీ కమిషనర్ బి.జనార్దన్ రెడ్డి అన్నారు. ఓ ఇంటర్వ్యూలో ఆయన మాట్లాడుతూ, ‘ఇంతవరకూ నేను నిర్వహించిన అన్ని పదవుల్లోకి చాలా సంక్లిష్టమైంది, బాధపడేట్టుగా చేసేది మున్సిపల్ కమిషనర్ జాబ్. థ్యాంక్స్ లెస్ జాబ్. ఓ గృహిణి బాధ్యతలు ఎంత  కష్టమో.. ఈ జాబ్ కూడా అంతే! ఎంత చేసినా తిట్టించుకోవడానికి ఆస్కారం ఉన్న జాబ్. ఎక్కువ పనిచేస్తూ, ఎక్కువ తిట్లు పడుతూ, ఎక్కువ చెడు పేరు తెచ్చుకునే అవకాశం ఉన్న జాబ్!’ అని నవ్వుతూ ఆయన చెప్పుకొచ్చినా, అంతర్లీనంగా ఆయనలోని బాధ కనిపించింది.