హేమమాలిని: బాలీవుడ్ నటి హేమమాలినికి చెందిన గోడౌన్ లో చోరీ!

బీజేపీ ఎంపీ, బాలీవుడ్ సీనియర్ నటి హేమమాలినికి సంబంధించిన ఓ గోడౌన్ లో దొంగలు పడి దోచుకెళ్లిన సంఘటన ఆలస్యంగా వెలుగు చూసింది. ముంబైలోని పశ్చిమ అంధేరిలోని డీఎన్ నగర్ లో హేమమాలినికి సంబంధించిన ఓ గోడౌన్ ఉంది. ఆ గోడౌన్ లో షూటింగుల్లో ఉపయోగించే వస్తువులు, ఆభరణాలు, కాస్ట్యూమ్స్ మొదలైన వాటిని భద్రపరచుకుంటారు. ఆరు రోజుల క్రితం దొంగలు పడి వీటన్నింటిని ఎత్తుకుపోయారు.

ఈ మేరకు ఫిర్యాదు చేయడంతో పోలీసులు కేసు నమోదు చేసి దర్యాప్తు చేస్తున్నారు. గోడౌన్ కు కాపలా కాసే వ్యక్తి కనిపించకుండా పోవడంతో, అతనిపై పోలీసులు అనుమానం వ్యక్తం చేస్తున్నారు. దోచుకెళ్లిన సొత్తు విలువ రూ.90 వేల వరకు ఉంటుందని సమాచారం.