donald trump: నెటిజన్ మాయాజాలం: అమెరికా అధ్యక్షుడు ట్రంప్ నోట `డెస్పాసిటో` పాట... వీడియో చూడండి!
స్పానిష్ భాషలో లూయిస్ ఫొన్సీ, డాడీ యాంకీలు విడుదల చేసిన `డెస్పాసిటో` పాట యూట్యూబ్లో చాలా పాప్యులర్. యూట్యూబ్లో ఇప్పటివరకు ఎక్కువ వీక్షణలు ఉన్న పాటగా ఇది రికార్డు సృష్టించిన సంగతి తెలిసిందే. ఈ పాటకు సంబంధించిన కవర్ వెర్షన్లు ఎన్నో వచ్చాయి. ఇవన్నీ కూడా యూట్యూబ్లో మంచి ప్రాచుర్యాన్ని సంపాదించుకున్నాయి. అయితే ఇదే బాటలో అమెరికా అధ్యక్షుడు డొనాల్డ్ ట్రంప్ `డెస్పాసిటో` పాట పాడిన వెర్షన్ కూడా ఇటీవల యూట్యూబ్లో ప్రత్యక్షమైంది. నిజానికి ఆయన ఈ పాట పాడలేదు. కాకపోతే ఎవరో ఔత్సాహిక నెటిజన్ ట్రంప్ ప్రసంగాన్ని `డెస్పాసిటో` పాట పదాలకు సరిగ్గా సరిపోయేలా ఎడిట్ చేసి, వీడియో పోస్ట్ చేశాడు. దీన్ని చూస్తుంటే నిజంగా ట్రంప్ పాట పాడాడా? అనే అనుమానం తప్పక కలుగుతుంది.
