మరింత గ్లామర్ గా కనిపిస్తోన్న నయనతార!

బాలకృష్ణ 102వ సినిమా షూటింగ్ ప్రస్తుతం హైదరాబాద్ - రామోజీ ఫిల్మ్ సిటీలో జరుగుతోంది. కొన్ని రోజులుగా ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. ఈ రోజున ఈ సినిమా షూటింగులో నయనతార జాయిన్ అయింది. ఈ సినిమాకి నీరజ కోన స్టైలింగ్ చేస్తోంది.

 నయనతారతో దిగిన సెల్ఫీని ఆమె ట్విట్టర్ ద్వారా పోస్ట్ చేస్తూ.. "నయనతారతో కొత్త ప్రయాణం మొదలైంది'' అని చెప్పారు. ఈ ఫోటోలో నయనతార చాలా గ్లామరస్ గా కనిపిస్తోంది. ఈ మధ్య కాలంలో ఆమె ఇంత గ్లామరస్ గా కనిపించింది ఈ స్టిల్ లోనే. వెంకటేశ్ తో 'బాబు బంగారం' చేసిన నయనతార .. బాలకృష్ణ సినిమా చేస్తుండటం .. చిరంజీవితో చేయనుండటం విశేషమే. మొత్తానికి తెలుగులో సీనియర్ హీరోల సినిమా అంటే, ఫస్టు ఆప్షన్ నయనతార అయిపోయిందనే చెప్పాలి.