: పేర్లు బయటకు రాని 15 మంది సినీ ప్రముఖుల గురించిన క్లూస్ ఇవిగో.. !

15-07-2017 Sat 11:23 | Both States

డ్రగ్స్ వ్యవహారంలో లింక్ ఉన్న సినీ ప్రముఖుల సంఖ్య 27 అయితే... ఇప్పటి వరకు 12 మందికి నోటీసులు జారీ అయ్యాయి. మిగిలిన 15 మంది ప్రముఖుల పేర్లు బయటకు రాలేదు. ఈ 15 మందికి సంబంధించి ఎక్సైజ్ వర్గాలు కొన్ని క్లూలు ఇస్తున్నాయి. ఆ క్లూలు ఇవే.

ప్రముఖ నిర్మాత ఇద్దరు కుమారులు. టాలీవుడ్ లో వీరి కుటుంబం అత్యంత కీలకమైనది. ఈ కుటుంబంలోని అందరూ సినీ పరిశ్రమలో ఉన్నారు. గతంలోని డ్రగ్స్ కేసుల్లో కూడా ఈయన కుమారుల పేర్లు వినిపించాయి.
ఈయన ఓ రియలెస్టేట్ వ్యాపారి. క్రేజీ స్టార్ తో అనుకోకుండా హిట్ సినిమా నిర్మించాడు.
మరొకరు చిన్న కథలు, కుటుంబ కథనాలతో భారీ హిట్లు కొట్టిన నిర్మాత. కుర్ర హీరోతో, సొంత బ్యానర్ తో పరిశ్రమలోకి దూసుకొచ్చాడు.
2009లో టాలీవుడ్ లో అడుగుపెట్టి కుర్ర హీరోలతో వరుస హిట్లు కొట్టింది. ప్రస్తుతం బాలీవుడ్ కు చెక్కేసింది.
2011, 2012లో ప్రముఖ హీరోలతో నటించి, హిట్లు కొట్టి... ఆ తర్వాత ఫ్లాప్ హీరోయిన్లుగా ముద్ర పడిన ఇద్దరు భామలు.
రవితేజ తమ్ముడితో పదే పదే పార్టీలకు, పబ్ లకు వెళ్లిన ఓ సహాయ నటుడు.
ప్రముఖ హీరోకు మేనేజర్ గా పని చేసే నటుడు.
ఓ విలక్షణ దర్శకుడు. మేకప్ మెన్, డ్రైవర్ల పేరుతో సిమ్ కార్డులు తీసుకుని డ్రగ్స్ వాడుతున్నాడు.
వేగంగా సినిమాలు తీస్తాడనే పేరున్న దర్శకుడు. ఈయన ఇద్దరు మేనేజర్లు, ఇద్దరు అసిస్టెంట్ డైరెక్టర్లు కెల్విన్ తో టచ్ లో ఉన్నారు.
2013 వరకు క్యారక్టర్ ఆర్టిస్టుగా అడపాదడపా సినిమాలు చేశాడు. ఆ తర్వాత ప్రముఖ హీరోతో సినిమా తీసి సెన్సేషన్ క్రియేట్ చేశాడు.
ఒకప్పుడు ఆయన ఫ్యామిలీ హీరో. ఆ తర్వాత ఎలాంటి క్యారక్టర్ చేయడానికైనా సిద్ధమయ్యాడు. విలక్షణ నటుడిగా పేరు తెచ్చుకున్నాడు. ఆయన మేనేజర్ ఫోన్ నంబర్ కెల్విన్ కాంటాక్ట్ లిస్టులో ఉంది.