: జగన్ 'పార్ట్ టైమ్' రాజకీయనాయకుడు.. 'ఫుల్ టైమ్' అభివృద్ధి నిరోధకుడు: ఏపీ మంత్రులు
వైఎస్సార్సీపీ అధినేత జగన్ పార్ట్ టైమ్ రాజకీయనాయకుడిగా, ఫుల్ టైమ్ అభివృద్ధి నిరోధకుడిగా మారారని ఏపీ మంత్రులు విమర్శించారు. ఈ మేరకు జగన్ కు 24 ప్రశ్నలు సంధిస్తూ మంత్రులు అచ్చెన్నాయుడు, నక్కా ఆనంద్ బాబు, ఆదినారాయణరెడ్డి ఓ లేఖ రాశారు. జగన్ కు ప్రజల శ్రేయస్సుపై చిత్తశుద్ధి ఉంటే కనుక తమ ప్రశ్నలకు సమాధానం చెప్పాలని డిమాండ్ చేశారు. ఎన్డీఏ రాష్ట్రపతి అభ్యర్థి రామ్ నాథ్ కోవింద్ ను జగన్ పొరుగు రాష్ట్రంలో కలిశారని ఆ లేఖలో విమర్శించారు.
కాగా, వైఎస్ జగన్ కు టీడీపీ ఎమ్మెల్సీ బుద్దా వెంకన్న బహిరంగ లేఖ రాశారు. అధికారం దక్కలేదన్న అక్కసుతోనే అడుగడుగునా జగన్ విషం కక్కుతున్నారని, అభివృద్ధి, సంక్షేమ కార్యక్రమాలను అడ్డుకుంటున్నారని విమర్శించారు. ప్రభుత్వానికి ఏ అంశంలోనూ ప్రతిపక్షం సహకరించడం లేదని, మీలాంటి బాధ్యతలేని ప్రతిపక్షనేత వల్ల రాష్ట్రానికి చెడ్డపేరు వస్తోందని, అధికార పార్టీ నేతలపై బురదజల్లేందుకే అమరావతిలో వైసీపీ ప్లీనరీ ఏర్పాటు చేస్తున్నారని ఆరోపించారు.
కాగా, వైఎస్ జగన్ కు టీడీపీ ఎమ్మెల్సీ బుద్దా వెంకన్న బహిరంగ లేఖ రాశారు. అధికారం దక్కలేదన్న అక్కసుతోనే అడుగడుగునా జగన్ విషం కక్కుతున్నారని, అభివృద్ధి, సంక్షేమ కార్యక్రమాలను అడ్డుకుంటున్నారని విమర్శించారు. ప్రభుత్వానికి ఏ అంశంలోనూ ప్రతిపక్షం సహకరించడం లేదని, మీలాంటి బాధ్యతలేని ప్రతిపక్షనేత వల్ల రాష్ట్రానికి చెడ్డపేరు వస్తోందని, అధికార పార్టీ నేతలపై బురదజల్లేందుకే అమరావతిలో వైసీపీ ప్లీనరీ ఏర్పాటు చేస్తున్నారని ఆరోపించారు.
