: బంగాళాఖాతంలో వాయుగుండం...తుపానుగా మారే ప్రమాదం
బంగాళాఖాతంలో వాయుగుండం ఏర్పడింది. ఇది పెను తుపానుగా మారనుందని విశాఖలోని తుపాను హెచ్చరికల కేంద్రం తెలిపింది. ఈ వాయుగుండం విశాఖకు దక్షిణ ఆగ్నేయంగా 1320 కి.మీ దూరంలో కేంద్రీకృతమై ఉందని అధికారులు తెలిపారు. ఇది మరో 72 గంటల్లో పశ్చిమ వాయవ్యదిశగా కదలచ్చని, ఈ క్రమంలో ఇది రానున్న 24 గంటల్లో తీవ్ర వాయుగుండంగా మారే అవకాశముందని హెచ్చరించారు. రానున్న రెండు రోజుల్లో అంటే 48 గంటల్లో ఈ తీవ్ర వాయుగుండం తుపానుగా మారే ప్రమాదం ఉందని వారు తెలిపారు. ఇప్పటికే తెలుగు రాష్ట్రాల్లో ఉత్తరాది రాష్ట్రాల నుంచి వీస్తున్న చలిగాలులతో ఉష్ణోగ్రతలు అత్యల్పస్థాయిలో నమోదవుతున్నాయి. ఇలాంటి పరిస్థితుల్లో వాయుగుండం, తుపాను మరెన్ని చిక్కులు తెస్తుందోనని ఆందోళన చెందుతున్నారు.
