: కేసీఆర్ జాతరకు వెళ్లట్లేదు!... పర్యటన రద్దయిందంటూ సీఎంఓ ప్రకటన

వరంగల్ జిల్లాలోని మేడారంలో సమ్మక్క, సారలమ్మ జాతరకు భక్తులు పోటెత్తుతున్నారు. తొలి రోజే లక్షలాది మంది భక్తులు జాతరకు తరలిరాగా, నిన్న రాత్రి సారలమ్మ గద్దెపై ఆసీనులయ్యారు. ఈ క్రమంలో నేడు మేడారం వెళ్లి అమ్మవారిని దర్శించుకోవాలని టీఆర్ఎస్ అధినేత, తెలంగాణ సీఎం కల్వకుంట్ల చంద్రశేఖరరావు నిర్ణయించుకున్నారు. ఈ మేరకు అధికారులు కూడా ఏర్పాట్లు చేశారు. అయితే ఉన్నట్టుండి సీఎం మేడారం పర్యటన రద్దయింది. అనివార్య కారణాల వల్ల సీఎం మేడారం పర్యటనను రద్దు చేస్తున్నట్లు సీఎంఓ కార్యాలయం కొద్దిసేపటి క్రితం తెలిపింది. పర్యటన రద్దుకు గల కారణాలు తెలియరాలేదు.