: హైదరాబాద్ అభివృద్ధిలో చంద్రబాబు పాత్ర కూడా ఉంది!: కేటీఆర్
హైదరాబాద్ అభివృద్ధిలో చంద్రబాబునాయుడి పాత్ర కూడా ఉందని టీఆర్ఎస్ మంత్రి కేటీఆర్ వ్యాఖ్యానించారు. ఈ ఉదయం ప్రారంభమైన ‘ద స్పిరిట్ ఆఫ్ హైదరాబాద్’ సదస్సులో ఆయన పాల్గొని ప్రసంగించారు. చంద్రబాబు వ్యూహాత్మకంగా నగరాన్ని డెవలప్ చేశారని, ప్రపంచంలో పెట్టుబడులకు మంచి మార్కెట్ గా నిలిపారని, విలువైన ఇన్వెస్ట్ మెంట్స్ ను రాష్ట్రానికి తీసుకువచ్చారని అన్నారు. అయితే, ఈ నగరాభివృద్ధికి తానొక్కడినే బాధ్యుడిగా చెప్పుకుంటూ ప్రజలను తప్పుదారి పట్టిస్తున్నారని విమర్శించారు. ఈ నగరానికి 400 ఏళ్ల చరిత్ర ఉందని గుర్తు చేసిన ఆయన, హైదరాబాద్ ను ఎవరో ఒకరు నిర్మించలేదని, శతాబ్దాలుగా విస్తరిస్తూ వస్తోందని కేటీఆర్ వ్యాఖ్యానించారు. ఇక్కడి ప్రజలకు గౌరవ భావం అధికమని, పక్కవారికి సాయపడటం హైదరాబాదీల ప్రధాన లక్షణాల్లో ఒకటని తెలిపారు.
