: శ్రీకాకుళం జిల్లాలో మళ్లీ భూప్రకంపనలు

ఆంధ్రప్రదేశ్ లోని శ్రీకాకుళం జిల్లాలో మళ్లీ భూప్రకంపనలు వచ్చాయి. ఇక్కడ పొందూరు మండలంలోని పుల్లాజీపేట, దెల్లిపేట, కృష్ణాపురం, లోలుగు గ్రామాల్లో 3 సెకన్ల పాటు భూమి కంపించింది. మధ్యాహ్నం 12.30 గంటల సమయంలో ప్రకంపనలు సంభవించాయి. దీంతో భయంతో ఆ గ్రామాల ప్రజలు ఇళ్ల నుంచి బయటకు పరుగులు తీశారు. జిల్లాలో ఇప్పటివరకు నెల వ్యవధిలోనే నాలుగుసార్లు ప్రకంపనలు వచ్చాయి. దాంతో ప్రజలు తీవ్ర భయాందోళనకు గురవుతున్నారు. మరోవైపు భూప్రకంపనకు సంబంధించి ఎలాంటి సమాచారం లేదని వాతావరణ అధికారులు చెబుతున్నారు.