: శిరిడీ సాయినాధుడికి భారీ విరాళాలు

మహారాష్ట్రలోని శిరిడీలో ఉన్న సాయినాథుడి ఆలయానికి గత నెల 24 నుంచి 27వ తేదీ వరకు భారీ ఎత్తున విరాళాలు అందాయని అకౌంట్స్ అధికారి డాక్టర్ జిర్ పే వెల్లడించారు. ఆ రోజుల్లో నగదు రూపంలో 3.53 కోట్ల రూపాయలతో పాటు 3481 గ్రాముల బంగారం, పది కేజీల వెండిని భక్తులు సాయినాధునికి సమర్పించినట్టు ఆయన తెలిపారు. అలాగే నూతన సంవత్సరం సందర్భంగా శుక్రవారం సాయినాధుని ఆలయానికి భక్తులు పోటెత్తారని ఆలయాధికారులు తెలియజేశారు.