: నేడే ఆంధ్రా యూనివర్సిటీ అలుమ్ని మీట్...ముఖ్య అతిథిగా ముఖ్యమంత్రి!

ఆంధ్రా యూనివర్సిటీ అలుమ్నికి సర్వం సిద్ధమైంది. ఈ పూర్వ విద్యార్థుల సమ్మేళనానికి ఏయూ స్నాతకోత్సవ మందిరం ముస్తాబైంది. సాయంత్రం ప్రారంభమై రాత్రి 8 గంటల వరకు ఈ వేడుక జరుగనుంది. ఈ కార్యక్రమానికి ముఖ్య అతిథిగా రాష్ట్ర ముఖ్యమంత్రి చంద్రబాబునాయుడు హాజరు కానున్నారు. అలాగే, సుమారు 3 వేల మంది పూర్వ విద్యార్థులు హాజరుకానున్నారని యూనివర్సిటీ అధికారులు తెలిపారు. నేటి కార్యక్రమ వివరాలు... * సాయంకాలం 4.45 గం.లకు డాక్టర్ మీనాక్షీ అనంతరామ్ అతిథులకు ఆహ్వానం పలుకుతారు. * 4.50కి ఆంధ్రా యూనివర్సిటీపై రూపొందించిన వీడియోను ప్రదర్శిస్తారు. * 5 గంటలకు ముఖ్యమంత్రి చంద్రబాబు స్నాతకోత్సవ మందిరానికి చేరుకుంటారు. * 5.15కు ఏయూ విద్యార్థులు ప్రార్థనా గీతం ఆలపిస్తారు. * 5.20కి అతిథులు జ్యోతి ప్రజ్వలనకావిస్తారు. * 5.30కి అతిథుల ప్రసంగాలు ప్రారంభం అవుతాయి. * 5.55కి ఏయూ విశ్రాంత ఆచార్యులు రాజేశ్వరి (90)కి సన్మానం జరుగుతుంది. * 6.10కి ముఖ్యమంత్రి చంద్రబాబునాయుడు ప్రసంగం ప్రారంభం అవుతుంది. * 6.30కు సీఎంకు ఏయూ రిజిస్ట్రార్ జ్ఞాపిక అందజేస్తారు. * 6.35కు ఇతర ప్రముఖుల ప్రసంగాలు ప్రారంభం. * 7 గంటలకు ముగింపు ప్రసంగం. * 7.10కి సాంస్కృతిక కార్యక్రమాలు ప్రారంభం అవుతాయి. * 8 గంటలకు అంబేద్కర్ హాల్ లో విందు కార్యక్రమం వుంటుంది. వాహన పార్కింగ్ వివరాలు... * ఏయూ స్నాతకోత్సవ మందిరం ఎదుట, మందిరానికి రెండు వైపులా ముఖ్యమంత్రి, మంత్రులు, ఎమ్మెల్యేలు, ప్రభుత్వ, ఏయూ ఉన్నతాధికారుల వాహనాలను మాత్రమే అనుమతిస్తారు. * వీఐపీ వాహనాలను యూనివర్సిటీ ఆర్ట్స్ కళాశాల భవనం ఎదుట పార్క్ చేయాలి. * ఇతర అతిథులు, పూర్వవిద్యార్థులు, ఏయూ అధికారుల వాహనాలు యూనివర్సిటీ గోల్డెన్ జూబ్లీ గ్రౌండ్, దూరవిద్యాకేంద్రం, ప్లాటినం జూబ్లీ గెస్ట్ హౌస్ ప్రాంగణాల్లో నిలపాలి. * ద్విచక్రవాహనాలను యూనివర్సిటీ సెంట్రల్ లైబ్రరీ, స్టాటిస్టిక్స్, పీఆర్సీ సెంటర్ ప్రాంగణాల్లో నిలపాలి. * కాన్వోకేషన్ హాల్ కు వెళ్లే రహదారుల్లో పార్కింగ్ నిషిద్ధమన్న విషయం అంతా గుర్తించాలని అధికారులు తెలిపారు. Visit: www.aualumni.in