: రాజుల కాలాల్లోనే తెలుగు వెలిగింది... ఇప్పుడు కనుమరుగవుతుందా?: కమలహాసన్

తమిళనాడులో తెలుగు కనుమరుగవడంపై ప్రముఖ నటుడు కమలహాసన్ ఆసక్తికర వ్యాఖ్య చేశారు. తనకు రాజకీయాలు తెలియవని చెప్పిన ఆయన, ఏ గవర్నమెంటు కూడా తెలుగు ప్రజలను వదులుకోదని అన్నారు. ఓట్లు కావాలనుకునే ఏ పార్టీ భాషను బలవంతంగా రుద్దదని తాను భావిస్తున్నానని ఆయన అభిప్రాయపడ్డారు. ఇక తమిళనాడులో తెలుగు మాయమవుతుందని తాను భావించడం లేదని ఆయన చెప్పారు. రాజుల కాలాల్లోనే తెలుగు ఓ వెలుగు వెలిగి విలసిల్లిందని ఆయన చెప్పారు. అప్పట్లో తంజావూరు కేంద్రంగా త్యాగయ్య ఎన్నో అద్భుతమైన రచనలు చేశారని ఆయన గుర్తు చేశారు. తెలుగు భాషపై ఆందోళనకు పవన్ కల్యాణ్ కోరితే సానుకూలంగా స్పందించడంలో అభ్యంతరం లేదని ఆయన చెప్పారు.