: కేసీఆర్ ను కలవనీయలేదని మహిళ ఆత్మహత్యాయత్నం

తన సమస్యలను తెలంగాణ ముఖ్యమంత్రి కేసీఆర్ కు చెప్పుకునేందుకు వచ్చిన ఓ మహిళ, అందుకు అవకాశం దొరక్కపోవడంతో నిరాశతో ఆత్మహత్యాయత్నం చేసింది. సోమవారం నాడు హైదరాబాదులోని సచివాలయం వద్ద కలకలం రేపిన ఈ ఘటన వివరాలను పోలీసులు తెలిపారు. ఈ మధ్యాహ్నం ముఖ్యమంత్రిని కలిసేందుకు అర్చన అనే మహిళ వచ్చింది. ఆమె సచివాలయం లోపలికి వెళ్లేందుకు పోలీసులు అనుమతించ లేదు. దీంతో నిద్రమాత్రలు మింగి ఆమె ఆత్మహత్యకు ప్రయత్నించింది. వెంటనే స్పందించిన భద్రతా సిబ్బంది ఆమెను చికిత్స నిమిత్తం ఆసుపత్రికి తరలించారు.