: నేతల కాళ్లు పట్టుకుంటున్నా చంద్రబాబుకు మద్దతు దొరకడంలేదు: కర్నె ప్రభాకర్

టీఆర్ఎస్ ఎమ్మెల్సీ కర్నె ప్రభాకర్ మంగళవారం టీఆర్ఎస్ఎల్పీ కార్యాలయంలో మీడియాతో మాట్లాడారు. ఓటుకు నోటు కేసులో ఏపీ సీఎం చంద్రబాబు తప్పించుకోలేరని అన్నారు. ఈ కేసు నుంచి బయటపడేందుకు ఆయన ఎన్నో ప్రయత్నాలు చేస్తున్నారని, కేంద్రంలో పెద్దల కాళ్లు పట్టుకుంటున్నా మద్దతు దొరకడంలేదని తెలిపారు. ప్రధాని మోదీ కూడా సహకరించకపోవడంతో ఇప్పుడు సెక్షన్-8 గురించి మాట్లాడుతున్నాడని విమర్శించారు. ఇక, ఏపీ టీడీపీ నేతలపైనా కర్నె మండిపడ్డారు. మంత్రులు పత్తిపాటి పుల్లారావు, రావెల కిశోర్ బాబు, మరికొందరు నేతలు గవర్నర్ నరసింహన్ ను బెదిరిస్తున్నారని ఆరోపించారు. రాజ్యాంగబద్ధంగా వ్యవహరిస్తామన్న గవర్నర్ ను బ్లాక్ మెయిల్ చేస్తున్నారని దుయ్యబట్టారు.