: టీఆర్ఎస్ లో నెంబర్-2 ఎవరన్న ప్రశ్నకు ఆసక్తికర సమాధానమిచ్చిన కేటీఆర్

టీఆర్ఎస్ అధినేత, టీఎస్ ముఖ్యమంత్రి కేసీఆర్ కు రాజకీయ వారసుడు ఎవరన్న ప్రశ్నకు మంత్రి కేటీఆర్ ఆసక్తికర సమాధానం ఇచ్చారు. పార్టీలో నెంబర్-2 ఎవరో చెప్పడానికి ఇది ఫుట్ బాల్ ఆట కాదని అన్నారు. కేసీఆర్ ఒక మహా వృక్షమని... ఆయనుంటేనే తామందరం ఉంటామనే విషయాన్ని పార్టీలోని వారందరూ గుర్తుంచుకోవాలని చెప్పారు. ఈ రోజు హైదరాబాదులోని ప్రెస్ క్లబ్ లో జరిగిన 'మీట్ ది ప్రెస్' కార్యక్రమంలో ఆయన ఈ సమాధానం ఇచ్చారు. కేసీఆర్ 61 ఏళ్ల యువకుడని... ఆయన మరో ఇరవై లేదా ముప్పై ఏళ్లు సీఎంగానే ఉండాలనే ఆశాభావం వ్యక్తం చేశారు. తెలంగాణ సాధనే తమకు ప్రథమ లక్ష్యమని... దాన్ని సాధించేశాం గనుక ఇప్పుడున్నదంతా బోనస్ అని అన్నారు.