: ‘పైరేట్స్ ఆఫ్ ది కరేబియన్’ హీరో జానీ డెప్ కు గాయాలు
హాలీవుడ్ సూపర్ హిట్ సినిమా సిరీస్ 'పైరేట్స్ ఆఫ్ ది కరేబియన్' లో కెప్టెన్ జాక్ స్పారో పాత్రలో తనదైన శైలిలో ఒదిగిపోయిన నటుడు జానీ డెప్ కు సినిమా షూటింగ్ లో గాయాలయ్యాయి. 'ఫైరేట్స్ ఆఫ్ ది కరేబియన్' సీక్వెల్ సిరీస్ లో 5వ చిత్రంగా తెరకెక్కుతున్న 'డెడ్ మెన్ టెల్ నో టేల్స్' షూటింగ్ ఆస్ట్రేలియాలో జరుగుతోంది. గోల్డ్ కోస్ట్ తీరంలో షూటింగ్ జరుగుతున్న సమయంలో డెప్ గాయపడ్డాడని చిత్ర బృందం ప్రతినిధి ఒకరు తెలిపారు. చేతికి గాయం అయిందని, చికిత్స నిమిత్తం యూఎస్కు తిరిగి వెళ్లనున్నాడని తెలిపారు. కాగా, ఈ చిత్రం 2017 జూలై 7న ప్రపంచవ్యాప్తంగా విడుదల కానుంది.
