: మాతృభాషకు ఆంగ్లభాష ప్రత్యామ్నాయం కాదు: యూపీ గవర్నర్

మాతృభాషకు ఆంగ్లభాష ప్రత్యామ్నాయం కాదని ఉత్తరప్రదేశ్ గవర్నర్ రామ్ నాయక్ స్పష్టం చేశారు. అలహాబాద్ యూనివర్సిటీలో నిర్వహించిన ఓ కార్యక్రమంలో ముఖ్యఅతిథిగా పాల్గొన్న సందర్భంగా ఆయన మాట్లాడుతూ, ఆంగ్లం ప్రయోజనకరమైన భాష అనడంలో సందేహం లేదని అన్నారు. అయితే, ఆంగ్లభాష మాతృభాషకు ప్రత్యామ్నాయం మాత్రం కాజాలదని ఆయన తెలిపారు. ఆంగ్లం నేర్చుకోవడంలో తప్పులేదన్న ఆయన, మాతృభాషను నిర్లక్ష్యం చేయకూడదని సూచించారు.