: ఏపీలో అమరావతి...తెలంగాణలో ఓరుగల్లుకు హెరిటేజ్ సిటీల హోదా: వెంకయ్య

ఆంధ్రప్రదేశ్ లో అమరావతి, తెలంగాణలో వరంగల్ నగరాలకు హెరిటేజ్ సిటీల హోదా కల్పిస్తున్నట్లు కేంద్ర పట్టణాభివృద్ధి శాఖ మంత్రి వెంకయ్యనాయుడు అన్నారు. నేడు హైదరాబాద్ లో మీడియాతో మాట్లాడిన ఆయన ఈ విషయాన్ని వెల్లడించారు. పురాతన నగరాలుగా ఎంపికైన అమరావతి, వరంగల్ నగరాల అభివృద్ధికి ఇతోధికంగా నిధులివ్వనున్నట్లు ఆయన ప్రకటించారు. అమరావతిని పర్యాటకంగా అభివృద్ధి చేస్తామన్నారు. రెండు నగరాల్లో పేదల గృహ నిర్మాణం కోసం అవసరమైనంత మేరకు నిధులు విడుదల చేస్తామని ఆయన వెల్లడించారు.