: కృష్ణా బోర్డు ఛైర్మన్ ను కేసీఆర్ విమర్శించడం బాధనిపిస్తోంది: చంద్రబాబు

శ్రీశైలం జలాల వివాదంలో కృష్ణా బోర్డు ఛైర్మన్ కృష్ణ పండిట్ పై కేసీఆర్ వ్యాఖ్యానించడంపై చంద్రబాబు స్పందించారు. ఈ మేరకు కర్నూలు జిల్లా హుస్సేనాపురంలో ఏర్పాటు చేసిన జన్మభూమి- మాఊరు కార్యక్రమంలో బాబు పాల్గొన్నారు. ఈ సందర్భంగా మాట్లాడుతూ, కృష్ణా బోర్డు ఛైర్మన్ ను విమర్శించడం బాధనిపిస్తోందన్నారు. ఇద్దరం కూర్చొని సమస్యలు పరిష్కరించుకుందామని కేసీఆర్ కు సూచించారు. కార్మికశాఖ నిధులను సైతం వివాదం చేస్తున్నారన్నారు. ఏపీ నిధులు మాత్రమే బదిలీ అయ్యాయని, తెలంగాణ నిధులు అక్కడే ఉన్నాయని వివరించారు.