: ప్రతి ఇంటికి నీరివ్వకపోతే వచ్చే ఎన్నికల్లో పోటీ చేయం: కేసీఆర్

తెలంగాణలోని ప్రతి ఇంటికీ మంచినీటిని అందించేందుకు పక్కాగా ప్రణాళికలు రూపొందించామని తెలంగాణ ముఖ్యమంత్రి కె.చంద్రశేఖరరావు అన్నారు. ఈ హామీని నెరవేర్చని పక్షంలో రానున్న ఎన్నికల్లో టీఆర్ఎస్ పోటి చేయబోదని ఆయన ప్రకటించారు. జంట నగరాల్లోని అన్ని ఇళ్లకు 24 గంటల పాటు నీటిని సరఫరా చేస్తామన్నారు. నాలుగేళ్లలోనే ఈ బృహత్కార్యాన్ని పూర్తి చేస్తామని ఆయన వెల్లడించారు. జంట నగరాలతో పాటు రాష్ట్రంలోని అన్ని ఇళ్లకు మంచి నీటిని సరఫరా చేసే బాధ్యతలను తమ ప్రభుత్వం తీసుకుందన్నారు. రాష్ట్రంలోని గిరిజన, దళిత కుటుంబాలకు కూడా మంచి నీటిని అందించి తీరతామని ఆయన ప్రకటించారు.