: ఏపీ, తెలంగాణ కలిస్తేనే అభివృద్ధి సాధ్యం: గవర్నర్ నరసింహన్

ఆంధ్రప్రదేశ్, తెలంగాణ రాష్ట్రాలు కలసి సాగితేనే అభివృద్ధి సాధ్యమని గవర్నర్ నరసింహన్ చెప్పారు. ఆదివారం నాటి అలయ్ బలయ్ సందర్భంగా ఆయన ఈ మేరకు వ్యాఖ్యానించారు. ప్రాంతాలు, పార్టీలకతీతంగా జరుగుతున్న అలయ్ బలయ్ కార్యక్రమాలు రెండు రాష్ట్రాల మధ్య స్నేహపూరిత వాతావరణానికి దోహదం చేయనున్నాయని ఆయన అభిప్రాయపడ్డారు. రెండు రాష్ట్రాలు కలిస్తేనే బలం ఇనుమడిస్తుందని చెప్పిన నరసింహన్, రెండు రాష్ట్రాల ప్రజలు ఐకమత్యంతో మెలగాలని ఆకాంక్షించారు.