: 'మధ్యాహ్న భోజనం'తో మాకు సంబంధం లేదు: బీహార్ టీచర్లు
బీహార్ టీచర్లు ప్రభుత్వ 'మధ్యాహ్న భోజన' పథకాన్ని బహిష్కరించాలని నిర్ణయించారు. బోధనేతర పనుల బాధ నుంచి తప్పించుకునేందుకు ఉపాధ్యాయులు ప్రణాళికలు రచిస్తున్నారు. బీహార్లో ఈమధ్యే మధ్యాహ్న భోజన పథకంతో 23 మంది బాలలు మృతి చెదిన విషయం తెలిసిందే. ఈ నేపథ్యంలొ ఉపాధ్యాయ సంఘాలన్నీ ఏకతాటిపై నిలిచాయి. ఈ పథకంలో అవినీతి వల్ల తమకే చెడ్డపేరు వస్తోందని ఆవేదన వ్యక్తం చేశారు. నామమాత్రపు నిధులతో నాణ్యతలేని భోజనం పెట్టాల్సి వస్తోందని, అదనంగా ఈ పనులు చేస్తున్నా, కష్టనష్టాలన్నింటికి టీచర్లనే బాధ్యులుగా చేయడం దారుణమని, అందుకే తామంతా ఈ పథకాన్ని బహిష్కరించాలని నిర్ణయించుకున్నామని తెలిపారు.
దీనిపై ఇప్పటికే చాలాసార్లు ప్రభుత్వానికి లిఖితపూర్వక నివేదనలు పంపామని, అయినా పట్టించుకోవడంలేదని వాపోతున్నారు. మధ్యాహ్న భోజన పథకాన్ని పర్యవేక్షించే బాధ్యతలు వేరే వారికి అప్పగించాలని డిమాండ్ చేస్తున్నారు. టీచర్లు ఈ పథకాన్ని బహిష్కరించడం వల్ల 72 వేల పాఠశాలల్లో ఈ పథకం నిలిచిపోనుంది. ప్రభుత్వం తమపై బలవంతంగా రుద్దాలని ప్రయత్నిస్తే తాము ఆందోళనకు దిగుతామని బీహార్ టీచర్లు హెచ్చరిస్తున్నారు.
దీనిపై ఇప్పటికే చాలాసార్లు ప్రభుత్వానికి లిఖితపూర్వక నివేదనలు పంపామని, అయినా పట్టించుకోవడంలేదని వాపోతున్నారు. మధ్యాహ్న భోజన పథకాన్ని పర్యవేక్షించే బాధ్యతలు వేరే వారికి అప్పగించాలని డిమాండ్ చేస్తున్నారు. టీచర్లు ఈ పథకాన్ని బహిష్కరించడం వల్ల 72 వేల పాఠశాలల్లో ఈ పథకం నిలిచిపోనుంది. ప్రభుత్వం తమపై బలవంతంగా రుద్దాలని ప్రయత్నిస్తే తాము ఆందోళనకు దిగుతామని బీహార్ టీచర్లు హెచ్చరిస్తున్నారు.
