: అంబటి రాయుడి అరంగేట్రం

తెలుగుతేజం అంబటి రాయుడు తొలి ఇంటర్నేషనల్ క్రికెట్ మ్యాచ్ ఆడేందుకు రంగం సిద్ధమైంది. జింబాబ్వేతో నేడు జరిగే తొలి వన్డేలో ఆడే భారత జట్టులో రాయుడికి చోటు కల్పించారు. రంజీల్లో విశేష ప్రతిభ కనబరిచిన ఈ గుంటూరు యువకిశోరం ఇప్పుడు టీమిండియా బెర్తు సాధించాడు. ఇప్పటి వరకు భారత్-ఏ టీమ్ కే పరిమితమైన రాయుడి బ్యాటింగ్ పదును ఇక అంతర్జాతీయ వేదికలపైనా వీక్షించవచ్చు. రాయుడు మిడిలార్డర్ లో బ్యాటింగ్ కు దిగనున్నాడు. కాగా, జింబాబ్వేతో హరారేలో జరుగుతున్న తొలి వన్డేలో భారత కెప్టెన్ విరాట్ కోహ్లీ టాస్ గెలిచి ఫీల్డింగ్ ఎంచుకున్నాడు.