బక్రీద్ పండుగ సందర్భంగా ముస్లిం సమాజానికి హృదయపూర్వక శుభాకాంక్షలు: మంత్రి కొప్పుల ఈశ్వర్
- ఇస్లాం శాంతి, సహనం, దయ, కరుణను బోధిస్తున్నది: మంత్రి కొప్పుల ఈశ్వర్
- మైనారిటీల సంక్షేమం సముద్ధరణకు కేసీఆర్ చిత్తశుద్ధితో ముందుకు సాగుతున్నరు: మంత్రి కొప్పుల ఈశ్వర్
- 204 గురుకులాల ద్వారా మైనారిటీలను ఉన్నత విద్యావంతులుగా తీర్చిదిద్దుతున్నం: మంత్రి కొప్పుల ఈశ్వర్
ముఖ్యమంత్రి కేసీఆర్ సుపరిపాలనలో మైనారిటీలు, అన్ని వర్గాల ప్రజలు ఎలాంటి అభద్రతకు లోను కాకుండా సుఖ సంతోషాలతో ప్రశాంతంగా జీవిస్తున్నారని కొప్పుల పేర్కొన్నారు. తమ ప్రభుత్వం 204 గురుకుల పాఠశాలల ద్వారా మైనారిటీలను ఉన్నత విద్యావంతులుగా తీర్చిదిద్దుతున్నదని.. రంజాన్ సందర్భంగా విందులు ఏర్పాటు చేస్తూ, పేదలకు దుస్తులు అందజేస్తున్నామని వివరించారు. విదేశాలలో ఉన్నత విద్యా కోర్సులు చదివేందుకు ఆసక్తి చూపే యువతకు 20లక్షల చొప్పున ఉచితంగా అందిస్తున్నామని మంత్రి ఈశ్వర్ చెప్పారు. పేదింటి ఆడబిడ్డల పెళ్లిళ్లకు షాదీ ముభారక్ పథకం ద్వారా లక్షా 116 రూపాయలు ఉచితంగా ఇస్తున్నామని, దీంతో బాల్య వివాహాలు పూర్తిగా తగ్గిపోయి ఉన్నత విద్యావంతులవుతున్నారని కొప్పుల వివరించారు. బక్రీదు పండుగను కుటుంబ సభ్యులు, బంధుమిత్రులతో కలిసి ప్రశాంత వాతావరణంలో భక్తి శ్రద్ధలతో జరుపుకోవలసిందిగా ముస్లిం సమాజాన్ని మంత్రి కోరారు.