సామాన్యుల అరచేతిలో వాతావరణ సమాచారం: వినోద్ కుమార్
- "టీఎస్ - వెదర్" మొబైల్ యాప్, పోస్టర్స్ ఆవిష్కరణ
ఈ సందర్భంగా వినోద్ కుమార్ మాట్లాడుతూ రైతులు, ప్రజలకు ఈ యాప్ ఎంతో ఉపయోగకరమని అన్నారు. వాతావరణ పరిస్థితులు, సూచనలతో రైతులు వ్యవసాయ పనులను, ప్రజలు ప్రయాణాలను కొనసాగించుకునేందుకు వీలు కలుగుతుందని వినోద్ కుమార్ పేర్కొన్నారు. రాష్ట్రంలోని ఏ ప్రాంతం వివరాలైనా అరచేతిలో క్షణాల్లో అందించే విధంగా ఈ యాప్ ను తీర్చిదిద్దినట్లు ఆయన తెలిపారు. మారుమూల గ్రామాల నుంచి పట్టణాల వర్స్కు ప్రతీ ఒక్కరికీ ఈ యాప్ ఎంతో దోహదపడుతుందని వినోద్ కుమార్ వివరించారు. ఈ కార్యక్రమంలో ప్లానింగ్ డైరెక్టర్ షేక్ మీరా, అర్ధ గణాంక శాఖ డైరెక్టర్, టీ.ఎస్.డీ.పీ.ఎస్. ఇంచార్జీ సి.ఈ.ఓ. దయానంద్, అధికారులు రామకృష్ణ, ప్రసాద్, వేణు మాధవ్, ముకుంద్ రెడ్డి, శ్రావణి, తదితరులు పాల్గొన్నారు.