పేద ఫాస్టర్లకు నిత్యావసర సరుకుల కిట్స్ పంపిణీ చేసిన మంత్రి హరీశ్ రావు
- యేసు ప్రభువు కానుకగా చూడాలి
- శక్తి గార్డెన్స్ లో పేద ఫాస్టర్లకు నిత్యావసర సరుకుల కిట్స్ పంపిణీ చేసిన మంత్రి హరీశ్ రావు, ఎమ్మెల్సీ రాజేశ్వరరావు
శివమ్స్ గార్డెన్స్ లో 250 మంది పేదలకు నిత్యావసర వస్తువుల కిట్స్ పంపిణీ:
లాక్ డౌన్ నేపథ్యంలో నిరు పేదలకు రాష్ట్ర ఆర్థిక శాఖ మంత్రి హరీశ్ రావు అండగా నిలుస్తున్నారు. జిల్లా కేంద్రమైన సిద్ధిపేటలోని శివమ్స్ గార్డెన్స్ లో గురువారం మధ్యాహ్నం సిద్ధిపేట రైస్ మిల్లు అసోసియేషన్, గంప శ్రీనివాస్, వెనిశెట్టి వీరేశం సహకారంతో పట్టణానికి చెందిన 250 మంది నిరుపేద కుటుంబాలకు మంత్రి చేతుల మీదుగా నిత్యావసర వస్తువులను పంపిణీ చేశారు. ఈ కార్యక్రమంలో మున్సిపల్ చైర్మన్ రాజనర్సు, పలువురు కౌన్సిలర్లు పాల్గొన్నారు.
పట్టణ బట్టల వర్తక సంఘం ఆధ్వర్యంలో 100 మంది పేద గుమస్తా కుటుంబాలకు నిత్యావసర వస్తువుల కిట్స్ పంపిణీ చేసిన మంత్రి హరీశ్ రావు:
కరోనా నేపథ్యంలో ప్రభుత్వం విధించిన లాక్ డౌన్ కు ప్రజలంతా సహకరించాలని మంత్రి హరీశ్ రావు ప్రజలకు విజ్ఞప్తి చేశారు. పట్టణ బట్టల వర్తక సంఘ భవనంలో గురువారం మధ్యాహ్నం 100 మంది పేద గుమస్తా కుటుంబాలకు కావాల్సిన నిత్యావసర వస్తువుల కిట్స్ ను మంత్రి చేతుల మీదుగా పంపిణీ చేశారు. ఈ కార్యక్రమంలో మున్సిపల్ చైర్మన్ రాజనర్సు, పట్టణ బట్టల వర్తక సంఘ ప్రతినిధులు, పలువురు కౌన్సిలర్లు తదితరులు పాల్గొన్నారు.
టీపీటీఎఫ్ ఆధ్వర్యంలో నిత్యావసర వస్తువుల కిట్స్ పంపిణీ చేసిన మంత్రి హరీశ్ రావు
ప్రపంచాన్ని వణికిస్తున్న కరోనా దృష్ట్యా ఇలాంటి విపత్కర పరిస్థితుల్లో పేదవారికి, ఆపదలో ఉన్న వారికి సాయాన్ని అందించడం అభినంద నీయమని టీపీటీఎఫ్ సేవలను మంత్రి హరీశ్ రావు కొనియాడారు. జిల్లా కేంద్రమైన బీసీ స్టడీ సర్కిల్ లో గురువారం మధ్యాహ్నం పట్టణంలో 50 మంది రోజువారీ కూలీ, చిరు వ్యాపార కుటుంబాలకు వెయ్యి రూపాయల విలువ కలిగిన నిత్యావసర వస్తువుల కిట్స్ ను మంత్రి చేతుల మీదుగా పంపిణీ చేశారు. ఈ కార్యక్రమంలో మున్సిపల్ చైర్మన్ రాజనర్సు, కౌన్సిలర్ చిప్ప ప్రభాకర్, టీపీటీఎఫ్ ప్రతినిధులు తిరుపతి రెడ్డి, రాములు, శివాజీ తదితరులు పాల్గొన్నారు.
