తానా ప్రపంచసాహిత్యవేదిక ఆద్వర్యంలో “విశిష్ట విశ్వ మహిళా అష్టావధానం” విజయవంతం

30-11-2022 Wed 07:46 | Press Release

డాలస్, టెక్సాస్: ఉత్తర అమెరికా తెలుగు సంఘం (తానా) సాహిత్య విభాగం “తానా ప్రపంచసాహిత్యవేదిక” ఆద్వర్యంలో “నెల నెలా తెలుగు వెలుగు” (ప్రతి నెలా ఆఖరి ఆదివారం) లో భాగంగా ఆదివారం, నవంబర్ 27న జరిగిన 42వ అంతర్జాతీయ అంతర్జాల దృశ్యసమావేశం అతి వైభవంగా జరిగింది.

“అవధాన విద్వన్మణి” డా. బులుసు అపర్ణ అవధానిగా ఒక్కొక్క ఖండంనుండి ఒక మహిళా సాహితీవేత్త పృచ్చకురాలిగా పాల్గొన్న ఈ “విశిష్ట విశ్వ మహిళా అష్టావధానం” ప్రపంచంలోనే తొలి మహిళా అష్టావధానం గా తెలుగు సాహిత్యచరిత్రలో సరిక్రొత్త అధ్యాయం సృష్టించింది.

తానా అధ్యక్షులు లావు అంజయ్య చౌదరి తన స్వాగతోపన్యాసంలో ఈ నాటి ఈ సాహిత్య సభ వినూత్నము, విశిష్టమైనదని అతిథులందరకూ ఆహ్వానం పలికి సభను ప్రారంభించారు.

తానా ప్రపంచసాహిత్యవేదిక సమన్వయకర్త చిగురుమళ్ళ శ్రీనివాస్ మాట్లాడుతూ – “నెల నెలా తెలుగు వెలుగు” పేరిట ప్రతి నెల ఆఖరి ఆదివారం ఎన్నో వైవిధ్య భరితమైన సాహిత్య అంశాలతో కార్యక్రమాలు నిర్వహిస్తూ ఒక ప్రత్యేక ముద్ర వేసుకున్న తానా ప్రపంచసాహిత్య వేదిక మీద ఈ నాటి డా. బులుసు అపర్ణగారి అష్టావధానం తెలుగు సాహిత్యలోకంలో ఒక మహత్తరఘట్టం అని అభివర్ణించారు.

తానా ప్రపంచసాహిత్యవేదిక నిర్వాహాకులు డా. ప్రసాద్ తోటకూర మాట్లాడుతూ భారత దేశంనుండి మహిళా అవధాని, ప్రతి ఖండం నుండి పృచ్చకులు అందరూ మహిళలే పాల్గొన్న ఈ “విశిష్ట విశ్వ మహిళా అష్టావధానం” తెలుగు సాహిత్యచరిత్రలో మొదటిసారి అని, తానా సంస్థ సాహిత్య కిరీటంలో యిదొక కలికి తురాయి అన్నారు.

ఆంధ్రప్రదేశ్ లో తెలుగు ఉపాధ్యాయినిగా పనిచేస్తూ, ఇప్పటికే వివిధ నగరాలలో 5 శతావధానాలు, 200 కు పైగా అష్టావధానాలతో ఎంతోమంది సాహితీప్రియుల విశేష అభిమానాన్ని సంపాదించుకున్న అవధాని డా. బులుసు అపర్ణను మరియు వివిధ దేశాలనుండి పాల్గొన్న పృచ్చకురాండ్రకు తానా ప్రపంచసాహిత్యవేదిక తరపున ప్రత్యేక కృతజ్ఞతలు అంటూ డా. తోటకూర అతిథులందరనూ క్లుప్తంగా పరిచయం చేశారు. .

ఈ అవధాన సంధానకర్తగా – ఉత్తరఅమెరికా ఖండం, అమెరికా, చికాగో నుండి డా. శారదాపూర్ణ శొంఠీ వేదమంత్రాలతో సభను ప్రారంభించి, ప్రతిభావంతంగా సభను సమన్వయం చేశారు.

పృచ్చకురాండ్రుగా -: సరోజ కొమరవోలు, ఉత్తరఅమెరికా ఖండం, కెనడా దేశంనుండి – “ఆశువు”; రాధిక మంగిపూడి, ఆసియా ఖండం, సింగపూర్ దేశంనుండి – “నిషిద్ధాక్షరి”; అరవిందా రావు, ఐరోపా ఖండం, ఇంగ్లాండ్ దేశంనుండి – “దత్తపది”; డా. శ్రీదేవి శ్రీకాంత్, దక్షిణాఫ్రికా ఖండం, బోట్స్వానా దేశంనుండి – “అప్రస్తుత ప్రసంగం”; ఉమ దేశభొట్ల, దక్షిణఅమెరికా ఖండం, గయానా దేశంనుండి – “వర్ణన”; డా. నాగలక్ష్మి తంగిరాల, ఆస్ట్రేలియాఖండం, న్యూజిలాండ్ దేశంనుండి - “వ్యస్తాక్షరి”; డా. నిడమర్తి నిర్మలాదేవి, ఉత్తరఅమెరికా ఖండం, అమెరికా దేశం, సియాటిల్ నుండి – “సమస్య”; శారద రావి, ఆసియా ఖండం, సౌదీఅరేబియా దేశంనుండి – “వార గణనం” అనే అంశాలలో పాల్గొన్నారు.

ఆసియాఖండం, సింగపూర్ దేశంనుండి – రాధిక మంగిపూడి “నిషిద్దాక్షరి” లో ఘంటసాల పాటలవైభవాన్ని కందపద్యరూపంలో చెప్పమని కోరుతూనే తాను నిషిద్దంచేసిన అక్షరాలను తప్పుకుంటూ అవధాని అపర్ణ చేసినపూరణ. శ్రీ మయ గాత్రాధీరా నీమములెల్లను గళాబ్ది నిత్య వికార స్తోమా! మహిసుర భావా! క్షేమ సుధల ఘంటసాల సీమల మీరున్ ఉత్తరఅమెరికా ఖండం, అమెరికా దేశంనుండి – డా. నిడమర్తి నిర్మలాదేవి ఇచ్చిన “సమస్య” పందిరల్లెను కృష్ణపక్షము పండువెన్నెల శోభతోన్ అన్న పాదానికి అవధాని అపర్ణ చేసిన పూరణ ... అందమౌ రసభావనావళినద్దినట్లుగ కావ్యమున్, స్పందనల్ కలుగంగ జేసెడు సర్వసుందరపేటియై, చిందులేయగ కృష్ణశాస్త్రియె స్నిగ్ధరంజితశబ్దమున్, పందిరల్లెను కృష్ణపక్షము పండువెన్నెలశోభతోన్. 

ఐరోపా ఖండం, ఇంగ్లాండ్ నుండి – అరవిందారావు ఇచ్చిన “దత్తపది” అంశం లో ఉత్పలమాల లో రామాయణార్ధం వచ్చేటట్లు చెప్పమని ఇచ్చిన రాధ కృష్ణుడు యశోద దేవకి అనే పదాలకు అవధాని అపర్ణ చేసిన పూరణ “మాధవుడి ద్దరిత్రి పెనుమాయను వర్ణము నందు కృష్ణుడా రాధన తత్వధర్మువు పరాత్పర మూర్తియు దేవ కీర్తికై సాధన చేసి రాముడిల సత్పథదర్శక మంత్ర వాగ్మియై బాధను తీర్ప జేరెను ప్రభాయుత బోధన నీయ శోధనన్” 

దక్షిణఅమెరికా ఖండం, గయానా దేశం నుండి - ఉమ దేశిభొట్ల కోరిన “వర్ణన” అంశం: కోవిడ్ పుణ్యమా అని అన్నీ ఆన్లైన్లో జరిగాయి. పెళ్ళికొడుకు, పెళ్ళికూతురు చెరోచోట ఉండగా జూంలో ధూంధాంగా జరిగిన పెళ్ళిని మీకు ఇష్టమైన పద్యరూపంలో వర్ణించండి. అవధాని అపర్ణ పూరణ: వరునకు కన్యకున్ మనకు బ్రహ్మకు బందుగులెల్లవారికిన్, పరులకు పాకవీరులకు పందిరి వేసిన శ్రామికాళికిన్, తరమది కాదు చూచుటకు తథ్యము నొండొరులెంత కోరినన్, మర బ్రతుకయ్యె నీ కలిని మారకయుండును మార్పు నొక్కటే 

ఉత్తరఅమెరికా ఖండం, కెనడా దేశంనుండి – సరోజ కొమరవోలు “ఆశువు” అనే అంశంలో ప్రతి ఆవృత్తంలోను ఒకొక్క సందర్భంఇచ్చి ఆశువుగా పద్యాలు చెప్పమని కోరగా అవధాని అపర్ణ చెప్పిన ఆశుకవిత్వం. సందర్భం: ఇందిరాగాంధీ, మార్గరేట్ థాచర్లను మొల్లతో సమన్వయిస్తూ ఆశువుగా .. పద్యం: దేశమును నడుపు దేశమున్న యటుల దీక్ష బూనునట్టి దక్షతలను మొల్ల కావ్యమందు అల్లెను నేర్పులను నడిపె కావ్యామందు నరుని బ్రతుకు. సందర్భం: ఈరోజు ఈ మహిళా అవధానం కె. విశ్వనాథ్ గారు "అవధానం" అనే పేరుతో అమూల్యమైన సినిమా తీస్తే, అందులో మీరు కథానాయకి అయితే ..ఎలావుంటుంది? పద్యం: బ్రహ్మ సృష్టిచేయ భవ్యవధానమందు ఈ అపర్ణయందు విశ్వనాధు లొకట వేదిక నుండగా విశ్వనాథ మహిమ విలసిల్లు. సందర్భం: జనవరి, ఫిబ్రవరి నెలల్లో కెనడాలో విపరీతంగా చలి, మంచు, ఐస్ తో జారుతూంటుంది. అది మీరు చూస్తే మీ అనుభూతి ఎట్లా ఉంటుంది? పద్యం: వణికించెడు చలి యొకటను గణములు ప్రాసలు యతులును గళమున నొకటను గణగణ ద్వనులను చేయగ గణుతింపదె కెనడనన్ను ఘనమగు రీతిన్. సందర్భం: నాయకురాలు నాగమ్మ, రంగాజమ్మలతో ప్రస్తుత అమెరికా ఉపాధ్యక్షురాలు కమలా హారిస్ ని పోల్చుతూ .. ఆశువు పద్యం: పురుష జాతికేల పూర్ణ రంగశ్రీలు అతివ లఘువు కాదు అవనిలోన నాతి పూనుకొనిన నాయకురాలగు ఆమె ఖ్యాతి ముందు అణగునన్ని. 

దక్షిణఅమెరికా ఖండం, న్యూజిలాండ్ దేశంనుండి – డా. తంగిరాల నాగలక్ష్మి “వ్యస్తాక్షరి” అంశంలో.. 21 అక్షరాలను అడ్డదిడ్డంగా ఇస్తే వాటిని 4వ ఆవృత్తంలో అవధాని అపర్ణ చేసిన పూరణ “మహిళావధాని మణిరత్నరంజిత శారదాంబ ఈ అపర్ణ”

ఆసియా ఖండం, సౌదీఅరేబియా దేశంనుండి – దీపికా రావి “వార గణనం” అంశంలో నాల్గు ఆవృత్తాలలో అడిగిన నాల్గు ప్రశ్నలు మే 1, 1861 ఏ రోజు అంటే – అవధాని ‘బుధవారం’ అని, ఏప్రిల్ 20, 1950 – ‘గురువారం’ అని, డిసెంబర్ 8, 1932 – ‘గురువారం’ అని, ఏప్రిల్ 2 , 2121 – ‘బుధవారం’ అని వెనువెంటనే సమాధానాలు చెప్పి అందరినీ ఆశ్చర్యపరచారు.

దక్షిణాఫ్రికా ఖండం, బోట్స్వానా దేశంనుండి – అవధానికి ఆద్యంతం అంతరాయం కల్పిస్తూ డా. శ్రీ దేవి శ్రీకాంత్ “అప్రస్తుత ప్రసంగం” అనే అంశంలో “రాయిని రాముడు తాకితే అహల్య అయ్యింది కదా! మేముండే బోట్స్వానా వజ్రాలకు ప్రసిద్ది. శ్రీ రాముడు బోట్స్వానా వచ్చి వజ్రాలను తాకితే వజ్రం ఎవరుగా మారుతుంది?” “ముగ్గురు మూర్తుల జూట. మూలము నెరుగుట బాట అన్నారు. ఈ ముగ్గురు ఎవరు? మూలము ఏమిటి?” “గుర్రం, గాడిదలలో ఏది గొప్పది? మా ఆఫ్రికాలో గాడిద గొప్పదంటారు. మీకు గాడిద బహుమానంగా ఇస్తే ఏ దేశీయులకు అమ్ముతారు? ఎందుకని?” “అత్రికి మహాపతివ్రత యైన అనసూయ ధర్మ పత్ని... మరి పత్రికి ప్రీతి పాత్రుడు ఎవరు? ఎందుకని?” అంటూ శ్రీదేవి అడిగిన చిలిపిప్రశ్నలకు అవధాని అపర్ణ తన కొంటె సమాధానాలతో సభలో నవ్వులు పూయించారు. ఆద్యంతం ఛలోక్తులతో రసవత్తరంగా అంతర్జాతీయ స్థాయిలో అంతర్జాలం లో జరిగిన ఈ “విశిష్ట విశ్వ మహిళా అష్టావధానం” లో అవధాని డా. బులుసు అపర్ణ కు తానా ప్రపంచసాహిత్యవేదిక సాహిత్యాభిమానులందరి తరపున “అవధాన సరస్వతి” అనే బిరుదును ప్రదానం చేశారు.

అవధాని డా. బులుసు అపర్ణ తన ముగింపుసందేశంలో అనేక దశాబ్దాల చరిత్రగల్గిన తానా లాంటి విశ్వవేదిక మీద అష్టావధానం చేయడం తన అదృష్టమని, ఈ అవకాశం కల్పించిన తానా సంస్థకు, పృచ్చకులకు, సాహితీప్రియులకు, ప్రసారమాధ్యమాలకు పత్యేక కృతజ్ఞతలు అన్నారు.

Advertisement lz

More Press Releases
తెలంగాణాలో ఫుడ్‌ ప్రాసెసింగ్‌ రంగానికి ఉతమిచ్చేలా మెదక్‌లో ఇంటిగ్రేటెడ్‌ ఫుడ్‌ మాన్యుఫాక్చరింగ్‌ అండ్‌ లాజిస్టిక్స్‌ ఫెసిలిటీ ఏర్పాటుచేసిన ఐటీసి
15 hours ago
Acer Launches India’s First laptop with the latest AMD Ryzen 7000 Series Processor on the Aspire 3
15 hours ago
ఉత్సాహంగా ముగిసిన ఇనార్బిట్‌ దుర్గం చెరువు రన్‌ 2023, గత సంవత్సరంతో పోలిస్తే 100% పెరిగిన రిజిస్ట్రేషన్లు
1 day ago
నూతన ఇన్నోవా క్రిస్టా కోసం బుకింగ్స్‌ ప్రారంభించిన టయోటా కిర్లోస్కర్‌ మోటర్‌
1 day ago
PMJ Jewels hosts Vizag’s grandest and biggest wedding jewellery exhibition
2 days ago
CM KCR expressed condolences on the death of Amshala Swamy
2 days ago
రాష్ట్రంలో “కంటి వెలుగు” కార్యక్రమం దిగ్విజయంగా కొనసాగుతున్నది
2 days ago
AP CM YS Jagan reviews the health medical and family welfare department works
3 days ago
మరణించినా..సజీవుడిగా ఆరు అవయవాలు దానం
3 days ago
CM KCR expressed condolences on the demise of popular film actress, and former MP Jamuna
3 days ago
Magic Moments Vodka and 8 PM Premium Black Whisky are all set to bring Badshah live in Hyderabad in association with Percept Bollyboom
3 days ago
Shoppers Stop ties up with Earthi, Launches World’s 1st Kumkumadi Oil Face Sheet Mask
3 days ago
Revolutionizing Eye Care: Innovations and Advances to Look Out for in 2023
3 days ago
Press Photos - 74th Republic Day celebrated in a grand manner at Raj Bhavan in Hyderabad
4 days ago
CM YS Jagan launches phase 2 of India's first govt run veterinary Ambulance network
5 days ago
GITAM University launches year-long nutrition initiative to mark International Year of Millets
6 days ago
Sa Re Ga Ma Pa Championship gets a glitzy launch
6 days ago
Platform65 Serves Up a Helping Hand: Restaurant Chain Launches Food Distribution Drive for Underprivileged on Republic Day"
6 days ago
JIO announces the largest ever JIO True 5G roll-out with 50 cities across 17 States / UT
6 days ago
OMRON Healthcare launches new communication campaign ‘Life on with OMRON’ to strengthen awareness around preventive healthcare
1 week ago
Muzigal launches its State-of-the-art Music Academy in Madhapur, Hyderabad
1 week ago
బ్లాక్‌బస్టర్‌ రియాలిటీ షో 'తెలుగు ఇండియన్‌ ఐడల్‌' సీజన్‌ 2 కి సిద్ధమైన ఆహా!
1 week ago
రాష్ట్రంలో మహిళా భద్రత, ప్రజా భద్రత సురక్షితం, ..షీ టీమ్స్ ఏర్పా టు చేసిన తొలి రాష్ట్రం తెలంగాణ
1 week ago
భారీ స్కాల‌ర్‌షిప్ ఆఫ‌ర్‌తో విద్యార్థుల‌కు యూనివ‌ర్సిటీ ఆఫ్ వెస్ట్ లాస్ ఏంజిల్స్ ఆహ్వానం
1 week ago
మూడేళ్ల బాలుడికి మూత్ర‌కోశంలో రాళ్లు
1 week ago
Advertisement lz
Video News
మరో రెండు రోజుల్లో ఆకాశంలో అద్భుతం.. స్పష్టంగా చూసే అదృష్టం విజయవాడ వాసులకే!
మరో రెండు రోజుల్లో ఆకాశంలో అద్భుతం.. స్పష్టంగా చూసే అదృష్టం విజయవాడ వాసులకే!
22 minutes ago
Advertisement atf
పార్టీ మార్పు వార్తలపై స్పందించిన ఈటల రాజేందర్
పార్టీ మార్పు వార్తలపై స్పందించిన ఈటల రాజేందర్
52 minutes ago
టీడీపీ ఎమ్మెల్సీ బచ్చుల అర్జునుడి ఆరోగ్య పరిస్థితి విషమం: వైద్యులు
టీడీపీ ఎమ్మెల్సీ బచ్చుల అర్జునుడి ఆరోగ్య పరిస్థితి విషమం: వైద్యులు
1 hour ago
గ్యాస్ సిలిండర్ డెలివరీకి అదనంగా డబ్బులు చెల్లించొద్దు: ఏపీ పౌరసరఫరాల శాఖ
గ్యాస్ సిలిండర్ డెలివరీకి అదనంగా డబ్బులు చెల్లించొద్దు: ఏపీ పౌరసరఫరాల శాఖ
1 hour ago
రాష్ట్రపతి ప్రసంగాన్ని బహిష్కరిస్తున్నాం: బీఆర్ఎస్ నేత కె. కేశవరావు
రాష్ట్రపతి ప్రసంగాన్ని బహిష్కరిస్తున్నాం: బీఆర్ఎస్ నేత కె. కేశవరావు
1 hour ago
ఈసారి మేనేజర్ల వంతు.. వేటుకు సిద్ధమైన జుకర్‌బర్గ్!
ఈసారి మేనేజర్ల వంతు.. వేటుకు సిద్ధమైన జుకర్‌బర్గ్!
2 hours ago
బడ్జెట్ సమావేశాల్లో ప్రసంగించాలంటూ గవర్నర్ ను స్వయంగా ఆహ్వానించిన మంత్రి ప్రశాంత్ రెడ్డి
బడ్జెట్ సమావేశాల్లో ప్రసంగించాలంటూ గవర్నర్ ను స్వయంగా ఆహ్వానించిన మంత్రి ప్రశాంత్ రెడ్డి
10 hours ago
పలమనేరు నియోజకవర్గంలో ప్రవేశించిన నారా లోకేశ్ పాదయాత్ర... ఈరోజు ముఖ్యాంశాలు
పలమనేరు నియోజకవర్గంలో ప్రవేశించిన నారా లోకేశ్ పాదయాత్ర... ఈరోజు ముఖ్యాంశాలు
11 hours ago
నా డ్రీమ్ నిజమైంది: 'ప్రేమదేశం' ప్రీ రిలీజ్ ఈవెంటులో అదిత్ అరుణ్
నా డ్రీమ్ నిజమైంది: 'ప్రేమదేశం' ప్రీ రిలీజ్ ఈవెంటులో అదిత్ అరుణ్
11 hours ago
వాయుగుండం.. రేపు ఏపీకి వర్ష సూచన
వాయుగుండం.. రేపు ఏపీకి వర్ష సూచన
11 hours ago
మహీంద్రా ఎలక్ట్రిక్ ఎస్ యూవీ వాహనానికి అదిరిపోయే రెస్పాన్స్... 10 వేలకు పైగా బుకింగులు
మహీంద్రా ఎలక్ట్రిక్ ఎస్ యూవీ వాహనానికి అదిరిపోయే రెస్పాన్స్... 10 వేలకు పైగా బుకింగులు
12 hours ago
పార్టీలో అవమానాలను భరించలేను: వైసీపీ ఎమ్మెల్యే కోటంరెడ్డి
పార్టీలో అవమానాలను భరించలేను: వైసీపీ ఎమ్మెల్యే కోటంరెడ్డి
12 hours ago
గుంటూరు సీఐడీ కార్యాలయంలో ముగిసిన చింతకాయల విజయ్ విచారణ
గుంటూరు సీఐడీ కార్యాలయంలో ముగిసిన చింతకాయల విజయ్ విచారణ
12 hours ago
స్పోర్ట్స్ అథారిటీ ఆఫ్ ఇండియాలో సభ్యురాలిగా ఏపీ మంత్రి రోజా
స్పోర్ట్స్ అథారిటీ ఆఫ్ ఇండియాలో సభ్యురాలిగా ఏపీ మంత్రి రోజా
12 hours ago
తారకరత్న ఆరోగ్య పరిస్థితిపై తాజా బులెటిన్ విడుదల
తారకరత్న ఆరోగ్య పరిస్థితిపై తాజా బులెటిన్ విడుదల
13 hours ago
రేపు నాని 30వ సినిమా లాంచ్ .. చీఫ్ గెస్టుగా మెగాస్టార్!
రేపు నాని 30వ సినిమా లాంచ్ .. చీఫ్ గెస్టుగా మెగాస్టార్!
13 hours ago
నోబెల్ విజేత అమర్త్యసేన్ ను బీజేపీ ఈ విధంగా అవమానించడం సరికాదు: మమతా బెనర్జీ
నోబెల్ విజేత అమర్త్యసేన్ ను బీజేపీ ఈ విధంగా అవమానించడం సరికాదు: మమతా బెనర్జీ
13 hours ago
సింహం డైలాగులు సినిమాల్లోనే బాగుంటాయని జగన్ తెలుసుకోవాలి: అచ్చెన్నాయుడు
సింహం డైలాగులు సినిమాల్లోనే బాగుంటాయని జగన్ తెలుసుకోవాలి: అచ్చెన్నాయుడు
14 hours ago
కడప జిల్లా గండికోటలో కమలహాసన్ సందడి
కడప జిల్లా గండికోటలో కమలహాసన్ సందడి
14 hours ago
సీఎం జగన్ ప్రయాణిస్తున్న విమానం ఎమర్జెన్సీ ల్యాండింగ్
సీఎం జగన్ ప్రయాణిస్తున్న విమానం ఎమర్జెన్సీ ల్యాండింగ్
14 hours ago