ap7am logo

'డిస్కోరాజా' మూవీ రివ్యూ

Fri, Jan 24, 2020, 04:00 PM
Movie Name: Disco Raja
Release Date: 24-01-2020
Cast: Raviteja, Payal Rajput, Nabha Natesh, Tanya Hope, Bobby Simha, Sunil, Vennela Kishore, Ramki, Giri Babu  
Director: V.I. Anand
Producer: Rajani Talluri 
Music: Thaman 
Banner: S.R.T. Entertainments  

డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!

రవితేజ తను తెరపై ఎంట్రీ ఇచ్చిన దగ్గర నుంచి ఎగ్జిట్ అయ్యేవరకూ సందడి ఉండేలా చూసుకుంటాడు. ప్రేక్షకులు ఎంత మాత్రం బోర్ ఫీలవ్వకుండా ఎంటర్టైన్ చేస్తాడు. ఇక దర్శకుడిగా వీఐ ఆనంద్ కథాకథనాల్లో కొత్తదనం ఉండేలా చూసుకుంటాడు. కథలో ఆసక్తికరమైన మెలిక ఉండేలా చూసుకుని, చివర్లో అనూహ్యమైన సంగతేదో చెప్తాడు. రవితేజ స్టైల్ కి తన మార్క్ ప్రయోగాన్ని జోడించి ఈ కథను వీఐ ఆనంద్ ఎలా నడిపించాడో .. మాస్ ఆడియన్స్ ను ఎంతవరకూ మెప్పించాడో ఇప్పుడు చూద్దాం.

ఈ కథ లడఖ్ లోని మంచు కొండల్లో మొదలవుతుంది. డిస్కోరాజా (రవితేజ) ను విలన్ గ్యాంగ్ అంతం చేసేసి వెళ్లిపోతారు. చాలా కాలం తరువాత ఐస్ ట్రెక్కింగ్ కి వెళ్లిన కొంతమంది స్టూడెంట్స్ కి ఆ శవం దొరుకుతుంది. చనిపోయినవారిని బ్రతికించే దిశగా చాలాకాలంగా ప్రయోగాలు చేస్తున్న డాక్టర్ శర్మ దగ్గరికి ఆ శవం చేరుతుంది. డిస్కోరాజాను ఆయన బ్రతికిస్తాడు. అయితే గతాన్ని మరిచిపోయిన డిస్కోరాజా, తానెవరన్నది తెలుసుకోవడం కోసం ఓ మినిస్టర్ ను కొడతాడు.

ఆ వార్త టీవీల్లో రావడంతో డిస్కోరాజాను చూసిన ఓ కుటుంబం, అతను కొంత కాలంగా కనిపించకుండాపోయిన తమ 'వాసు'నే అని అనుకుంటారు. చాలా కాలం క్రితం చనిపోయిన డిస్కోరాజా ఎలా బ్రతికి వచ్చాడనేది అర్థంకాక విలన్ (బాబీసింహా) గ్యాంగ్ అయోమయంలో పడుతుంది. వాసు ఎవరు? డిస్కోరాజాతో ఆయనకి గల సంబంధం ఏమిటి? డిస్కోరాజాపైకి వాసును ఉసిగొల్పిన అసలు సూత్రధారి ఎవరు? అనే ఆసక్తికరమైన మలుపులతో కథ ముందుకు వెళుతుంది.

'ఎక్కడికిపోతావు చిన్నవాడా'.. 'ఒక్క క్షణం' సినిమాలు చూస్తే కథాకథనాలపై వీఐ ఆనంద్ కి మంచి పట్టు ఉందనే విషయం అర్థమవుతుంది. అలాగే కథా వస్తువుపై పూర్తి స్పష్టత ఉన్నట్టు కనిపిస్తుంది. అయితే ఆ రెండు సినిమాలకి భిన్నంగా ఈ సినిమాలో ఆయన హీరోతో ద్విపాత్రాభినయం చేయించాడు. ఈ కారణంగా ఈ రెండు పాత్రలను బ్యాలెన్స్ చేయడంలో ఆయన కాస్త ఇబ్బంది పడినట్టుగానే అనిపిస్తుంది. 'డిస్కోరాజా' నేపథ్యం ప్రధానమైనది కనుక ఆ పాత్ర వరకూ ఆయన బాగానే మలిచాడు. మరో పాత్రకి సంబంధించిన నేపథ్యం బలహీనంగా అనిపిస్తుంది. ఈ కారణంగా ఆ ఎపిసోడ్ లోని పాత్రలు ... సన్నివేశాలు తేలిపోయాయి.

ఇంట్రడక్షన్ సీన్ మినహా విలన్ పాత్ర కూడా పవర్ఫుల్ గా ఏమీ అనిపించదు. నభా నటేశ్ .. పాయల్ రాజ్ పుత్ .. తాన్య హోప్ కథానాయికలు అనగానే, మాస్ ఆడియన్స్ ఒక రేంజ్ లో రొమాన్స్ ను ఊహించుకుంటారు. ఎవరితోనో ఒకరితో మాస్ సాంగ్ ఉంటుందని ఆశపడతారు. కానీ అలాంటి వాళ్లందరి ఆశలపై దర్శకుడు ఐస్ నీళ్లు చల్లేశాడు. ఈ మాత్రం దానికి హాట్ భామలు ఎందుకు అనుకోకుండా ఉండలేరు. హీరోను బ్రతికించే ప్రయోగం తాలూకు ప్రయత్నాలు మాస్ ఆడియన్స్ కి అర్థం కావు. ఒకానొక సందర్భంలో సునీల్ పాత్రలో నెగెటివ్ షేడ్స్ చూపించడం కథాపరంగా కలిసిరాకపోగా, కథలో సీరియస్ నెస్ లోపించింది. వెన్నెల కిషోర్ పాత్ర ద్వారా నవ్వించడానికి దర్శకుడు చేసిన ప్రయత్నం మాత్రం కొంతవరకూ ఫలించింది.

రవితేజ ఈ సినిమాలో రెండు పాత్రలను పోషించాడు. అయితే రెండవ పాత్రలో ఆయన చేయడానికేమీ లేకుండా పోయింది. 'డిస్కోరాజా'గా మాత్రం ఫుల్ ఎనర్జీతో చేశాడు. యాక్షన్ .. ఎమోషనల్ సీన్స్ లో తన మార్క్ చూపించాడు. కథానాయికల విషయానికొస్తే ల్యాబ్ అసిస్టెంట్ గా తాన్యా హోప్ కనిపిస్తుంది. అనాథ పిల్లల ఆలనా పాలన చూసే పాత్రలో నభా నటేశ్ కనిపిస్తుంది. ఇక పాయల్ ను మూగ, వినికిడి లోపం కలిగినదిగా చూపిస్తూ దర్శకుడు కొత్తదనాన్ని పతాకస్థాయికి తీసుకెళ్లాడు. అలా చూపించవలసిన అవసరం ఏమిటనే విషయం కూడా అర్థం కాదు. ఇక వాసు జాడను వెతికి పట్టుకునే పాత్రలో సీనియర్ నరేశ్ చేసిన కామెడీ తక్కువ .. కన్ఫ్యూజన్ ఎక్కువ. ఒకప్పుడు తమిళంలో స్టార్ హీరో అయిన 'రాంకీ'తో పసలేని పాత్ర చేయించడం కాస్త ఇబ్బందిగానే అనిపిస్తుంది. విలన్ పాత్రలో బాబీసింహా ఆకట్టుకుంటాడు. విలన్ పాత్రకి ఆయన వాయిస్ బాగా సెట్ అయింది. మిగతా పాత్రల్లో అంతా ఓకే అనిపించారు.

తమన్ సంగీతం ఫరవాలేదు. ఆయన అందించిన బాణీల్లో 'నువ్వు నాతో ఏమన్నవో' అనే బాలు పాట బాగుంది. రీ రికార్డింగ్ బాగుంది .. అక్కడక్కడా సన్నివేశాలను డామినేట్ చేసింది కూడా. కెమెరా పనితనం చాలా బాగుంది. లడఖ్ లోని మంచు పర్వతాల్లోని సన్నివేశాల చిత్రీకరణ ఆశ్చర్యచకితులను చేస్తుంది. అలాగే యాక్షన్ సన్నివేశాలను కూడా గొప్పగా ఆవిష్కరించాడు. ఎడిటింగ్ విషయానికొస్తే ఫస్టాఫ్ లో ల్యాబ్ లో ప్రయోగానికి సంబంధించిన సన్నివేశాలను ట్రిమ్ చేస్తే బాగుండేది. వెంకట్ - రవివర్మ ఫైట్స్ బాగున్నాయి. అబ్బూరి రవి అందించిన సంభాషణలు సహజంగా సాగిపోయాయి. లోతైన మాటలు పెద్దగా లేవు.

రవితేజ అనగానే ఆయన నుంచి మాస్ ఆడియన్స్ తమకి ఇష్టమైన కంటెంట్ ను ఆశిస్తారు. సైంటిఫిక్ కి సంబంధించిన విషయాలను వాళ్లకు కనెక్ట్ చేయడం చాలా కష్టం. అలాగే విశ్రాంతి వరకూ కథలో వున్న మెలిక వాళ్లకి అర్థం కావడం కష్టమే. అందువలన ఒక రకమైన అయోమయం వాళ్లను వెంటాడుతూనే ఉంటుంది. రవితేజ నుంచి మాస్ ఆడియన్స్  కోరుకునే స్టైల్ వుంది. కానీ ఆయన ఎనర్జీని ఆవిష్కరించే పాటలుగానీ .. డాన్సులుగాని లేకపోవడం ఒక లోటుగా కనిపిస్తుంది. క్రేజ్ వున్న ఇద్దరు గ్లామరస్ కథానాయికలను ఎంతమాత్రం ఉపయోగించుకోకపోవడం, రవితేజ మార్క్ మాస్ డైలాగ్స్ లేకపోవడం మరో లోటుగా చెప్పుకోవాలి. సగటు ప్రేక్షకుడిగా చెప్పాలంటే ఈ సినిమా ఓ మాదిరిగా అనిపిస్తుందంతే.                

Review By: Peddinti
X

Feedback Form

I agree to Terms of Service & Privacy Policy
'శివన్' మూవీ రివ్యూ
శివన్ .. సునంద గాఢంగా ప్రేమించుకుంటారు .. పెళ్లి చేసుకోవాలని నిర్ణయించుకుంటారు. అయితే హఠాత్తుగా సునందపై శివన్ దాడి చేసి, ఆమెను హత్య చేస్తాడు. అందుకు కారణమేమిటి? ఆ తరువాత చోటుచేసుకునే పరిణామాలు ఎలాంటివి? అనేది కథ. రొమాన్స్  .. కామెడీ పాళ్లు ఏ మాత్రం లేని ఈ సినిమా, యాక్షన్ .. ఎమోషన్స్ ప్రధానంగా సాగుతుంది. బలహీనమైన కథాకథనాల కారణంగా ఈ సినిమా ఆకట్టుకోలేకపోయిందనే చెప్పొచ్చు. 
'ప్రేమ పిపాసి' మూవీ రివ్యూ
ఈ తరం అమ్మాయిల్లో చాలా మందిలో నిజమైన ప్రేమ లోపించిందని భావించిన ఓ యువకుడు, అసలైన ప్రేమకి అద్దం వంటి ఓ అమ్మాయి మనసు గెలుచుకోవాలనుకుంటాడు. అందుకోసం అతను ఏం చేస్తాడు? ఆ ప్రయత్నంలో అతను విజయాన్ని సాధిస్తాడా లేదా? అనేదే కథ. బలహీనమైన కథాకథనాలు .. బరువు తగ్గిన పాత్రలు .. ఆసక్తికరంగా లేని సన్నివేశాలతో ఈ సినిమా నిదానంగా .. నీరసంగా సాగుతుంది. 
'ఓ పిట్టకథ' మూవీ రివ్యూ
ప్రభు .. వెంకటలక్ష్మి ఎంతో గాఢంగా ప్రేమించుకుంటారు. ఆ విషయాన్ని వెంకటలక్ష్మి తండ్రికి చెప్పాలని ప్రభు అనుకుంటున్న సమయంలోనే, దగ్గరి బంధుత్వం చెప్పుకుని వెంకటలక్ష్మి ఇంట్లోకి క్రిష్ ఎంటరవుతాడు. వెంకటలక్ష్మి కోసం కథానాయకులు పోటీ పడుతుండగా, హఠాత్తుగా ఆమె అదృశ్యమవుతుంది. ఆమె హత్యకి సంబంధించిన వీడియో పోలీసుల చేతికి చిక్కుతుంది. ఆమె ప్రేమికులిద్దరిలో నేరస్థులు ఎవరు? అనే కోణంలో ఈ కథ సాగుతుంది. గ్రామీణ నేపథ్యంలో సాగే సస్పెన్స్ తో కూడిన ఈ ప్రేమకథ, ఓ మాదిరిగా అనిపిస్తుంది.
'పలాస 1978' మూవీ రివ్యూ
'పలాస'లో 1970 ప్రాంతంలో జరిగిన ఒక యథార్థ సంఘటనకి కొన్ని కల్పితాలను జోడించి ఆవిష్కరించిన కథ ఇది. జానపద కళను నమ్ముకుని బతికే ఐక్యత కలిగిన ఇద్దరు అన్నదమ్ములు ఒక వైపు, గ్రామంపై పెత్తనం కోసం పోరాడే సఖ్యతలేని మరో ఇద్దరు అన్నదమ్ములు ఇంకోవైపు. ప్రధానంగా ఈ నాలుగు పాత్రల చుట్టూనే సహజత్వానికి దగ్గరగా ఈ కథ తిరుగుతుంది. కుల వివక్ష కారణంగా అణచివేతకుగురై, పెత్తందారులపై తిరుగుబాటు చేసిన అన్నదమ్ముల కథగా సాగే ఈ సినిమా ఒక వర్గం ప్రేక్షకులకు నచ్చుతుంది.   
'రాహు' మూవీ రివ్యూ
అసిస్టెంట్ పోలీస్ కమిషనర్ భార్గవ్, గ్యాంగ్ స్టర్ గా అరాచకాలకు పాల్పడుతున్న నాగరాజును జైలుకు పంపిస్తాడు. భార్గవ్ ఒక్కగానొక్క కూతురు భానుని చంపుతానని నాగరాజు శపథం చేస్తాడు. ఒకానొక సందర్భంలో జైలు నుంచి తప్పించుకున్న నాగరాజు, ఒక రహస్య స్థావరంలో తలదాచుకుంటాడు. 'రాహు' దోషం కారణంగా ఆపదలో చిక్కుకున్న భాను, ఆ స్థావరంలోకి అడుగుపెడుతుంది. అక్కడ ఏం జరిగిందనేదే కథ. ఫస్టాఫ్ లో పేలవమైన సన్నివేశాలు, సెకండాఫ్ లో పసలేని ట్విస్టుల కారణంగా ఈ సినిమా ఆకట్టుకోలేకపోయింది. 
HIT మూవీ రివ్యూ
ప్రీతి అనే ఒక టీనేజ్ అమ్మాయి మర్డర్ మిస్టరీ చుట్టూ .. నేహా అనే ఒక యువతి మిస్సింగ్ చుట్టూ తిరిగే క్రైమ్ స్టోరీ ఇది. ప్రీతిని ఎవరు మర్డర్ చేశారు? నేహా ఎలా కనిపించకుండాపోయింది? ఈ రెండు నేరాల వెనక వున్నది ఎవరు? అనే మలుపులతో ఈ కథ ముందుకు వెళుతుంది. వినోదానికి ఎంతమాత్రం అవకాశం లేని ఈ కథ, క్రైమ్ స్టోరీస్ ను ఎక్కువగా  ఇష్టపడేవారికి నచ్చొచ్చు.
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
Reprieve from summer, rains lash Hyderabad on Sunday..
Reprieve from summer, rains lash Hyderabad on Sunday
Chiranjeevi convey birthday wishes to super star Krishna..
Chiranjeevi convey birthday wishes to super star Krishna
History in the making: SpaceX propels two NASA Astronauts ..
History in the making: SpaceX propels two NASA Astronauts into orbit
Celebs dance moves set the internet on fire..
Celebs dance moves set the internet on fire
Swardham Telugu Official Trailer..
Swardham Telugu Official Trailer
David Warner, his wife dance to Mahesh Babu's famous Mind ..
David Warner, his wife dance to Mahesh Babu's famous Mind Block song - Part 2
Rana Daggubati, Miheeka wedding date fixed?..
Rana Daggubati, Miheeka wedding date fixed?
Swarm of bees attack Chiranjeevi, Ramcharan, Upasana..
Swarm of bees attack Chiranjeevi, Ramcharan, Upasana
David Warner latest TikTok video..
David Warner latest TikTok video
TDP MLA Yeluri Sambasiva Rao reacts on his party changing ..
TDP MLA Yeluri Sambasiva Rao reacts on his party changing rumors